ಆಮ್ಚಾ ಇಸ್ಕಾಲಾಕ್ ಸರ್ಕಾರಾಚಿ NOC ಮೆಳ್ಳಿ

ಕುಂಬ್ಳಾಚಾ ಸೈಂಟ್ ಮೊನಿಕಾ ಇಸ್ಕಾಲಾಕ್ ಕೇರಳ ಸಾರ್ಕಾರಾಚಿ ಮಾನ್ಯತಾ ಪತ್ರ್(NOC)ಲಾಭ್ಲಿ ಮ್ಹಣೊ ತಿಳ್ಸುಂಕ್ ಸಂತೊಸ್ ಪಾವ್ತಾಂವ್. ಸಬಾರ್ ವರ್ಸಾಂ ಆಮಿಂ ಆಶೆಲ್ಲೆಂ ಆನಿಂ ಖಾಲ್ತ್ಯಾ ವಿನಂತಿಕ್ ಸಾರ್ಕಾರಾನ್ ಸಯ್ ಮ್ಹಳಾಂ. 2005 ಉಪ್ರಾಂತ್ ಆಮ್ಚಾ ಇಸ್ಕಾಲಾಕ್ ಮಾನ್ಯತಾ ದೀಜಯ್ ಮ್ಹಣೊನ್ ಶೈಕ್ಶಣಿಕ್ ಇಲಾಖ್ಯಾ ಕಡೆನ್ ಅರ್ಜಿ ಘಾಲ್ಲ್ಯಾಚೊ ಪ್ರತಿಫಳ್ ಮೆಳ್ಳೊ. ವಿಗಾರ್ ಬಾಪ್ ಮಾನಾದಿಕ್ ಮಾರ್ಸೆಲ್ ಸಾಲ್ದಾನಾ ಹಾಣಿಂ ಹ್ಯಾ ವಾವ್ರಾಂತ್ ವಿಶೇಷ್ ಮಿನತ್ ಘೆತ್‌ಲ್ಲಿ. ಹ್ಯಾ ದಿಶೆನ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ. ಲಾಂಬ್ ಜಿಯೆಂ ಸಾಂತ್ ಮೊನಿಕಾ ಇಂಗ್ಲೀಷ್ ಮೀಡಿಯಂ ಇಸ್ಕೊಲ್.

ಕೇರಳಾಂತ್ ಸಂರಂಭ್(Entrepreneurship day)ದೀಸ್ ಆಚರಣ್ ಕೆಲೊ

ಕೇರಳಾಚಾ ಮುಖ್ಯ್ ಮಂತ್ರಿನ್ ಸಪ್ತಂಬರಾಚಾ 12 ತಾರೀಕೆರ್ ದನ್ಪಾರಾಂ 1 ವರಾಂ ಥಾವ್ನ್1.30 ಪರ್ಯಾಂತ್ ಹೈಸ್ಕೂಲ್,ಹೈಯರ್ ಸೆಕಂಡರಿ,ಕಾಲೇಜಿಚಾ ವಿದ್ಯಾರ್ಥಿಂಕ್ ಗೂಗುಲ್ ಹ್ಯಾಂಗ್ ಔಟ್ ತಂತ್ರಜ್ಞಾನ್ ವಾಪಾರುನ್ ಉಲಯ್‌ಲಾಗ್ಲೊ. ಕೇರಳಾಚಾ ಸುಮಾರ್ 30 ಲಾಕಾಂಚಾಂನಿಂ ಚಡಿತ್  ವಿದ್ಯಾರ್ಥಿನಿಂ ಹೆಂ ಪ್ರಸಾರ್ ದೆಕ್ಲೆ. ಹಾಚೊ ಮೂಳ್ ಸಾರ್ ಜಾವ್ನಾಸಾ ಸಂರಂಭ್ ವಾ ಸಂಸ್ಥೊ  ಸ್ಥಾಪನ್ ಕರುನ್ ಪ್ರತಿಭಾ ಪಲಾಯನ್ ಜಾಂವ್ಚೆಂ ಆಡಾವ್ಯೆತ್. ಹಾಂಗಾ ಶಿಕ್ಷಣ್ ಜೊಡುನ್ ವಿದೇಶಾಕ್ ಧಾಂವ್ಚಾಂ ವಿದ್ಯಾರ್ಥಿಂಕ್ ಪ್ರೋತ್ಸಾಹ್ ದಿಂವ್ಚಾ ವಾಟೆರ್ ಪಯ್ಲೆ ಮೇಟ್ ಜಾವ್ನಾಸಾ. ಹ್ಯಾ ದಿಶೆನ್ ವಾರ್ಷಿಕ್ ಬಜೆಟಾಂತ್ಲೆ 1ಠಕ್ಕೆ ಹಾಕಾ ಮುಕ್ಲ್ಯಾ ವರ್ಸಾಂನಿಂ ದವರುಂಕ್ ತೀರ್ಮಾನ್ ಕೆಲಾ ಮ್ಹಳ್ಲಿ ಕಳವ್ಣಿ ಮೆಳ್ಳಿ.. ಹ್ಯಾ ಕಾರ್ಯಕ್ರಮಾಂತ್ ಕಾಸರಗೋಡ್ ಜಿಲ್ಲ್ಯಾಚಾ 65,000 ಭುರ್ಗ್ಯಾಂನಿಂ ಭಾಗ್ ಘೆತ್ಲೊ. ಉಪ್ರಾಂತ್ ಕೇರಳಾಚಾ ವ್ಯವಸಾಯ್ ಮಂತ್ರಿನ್ ಭುರ್ಗ್ಯಾಂಕ್ ಹ್ಯಾ ದಿಶೆನ್ ಸರ್ಕಾರಾಚಿ ತೀರ್ಮಾನ್ ಆನಿಂ ಭರ್ವಸೊ ದಿಲೊ. ಹ್ಯಾ ಕಾರ್ಯಕ್ರಮಾಚೆ ಥೊಡ್ಯೊ ತಸ್ವೀರೊ ಪಳೆಯಾತ್. ಹಾಚೆಂ ಜಿಲ್ಲಾ ಮಟ್ಟಾಚಿಂ ವೆದಿಂ ಸರ್ಕಾರಿ ಚೆಡ್ವಾಂಚೆಂ ಹೈಸ್ಕೂಲ್ ಕಾಸರಗೋಡಾಂತ್ ಸ್ಥಾಪಿತ್ ಕೆಲ್ಲಿ.

ತುಮ್ಕಾಂ ಸರ್ವಾಂಕ್ ಓಣಂ ಪರ್ಬೆಚೆಂ ಶುಭಾಶಯ್ ಪಾಟಯ್ತಾಂವ್

ಓಣಂ ಕೇರಳಾಚೆ ಫೆಸ್ತ್ ಮಹಾಬಲಿ ಚಕ್ರವರ್ತಿನ್ ವರ್ಸಾಕ್ ಏಕ್ ಭೆಟ್ ಕರ್ಚೊ ವೇಳ್. ಪೃಕೃತಿನ್ ಆಪ್ಲಿ ಸುಂದರ್ ಸಾಡಿ ನೆಸುನ್ ಸೊಭಾಯೆನ್ ಪರ್ಜಳ್ಚಿ ವೇಳ್ ಘಡಿ. ಹ್ಯಾ ಜುಕ್ತ್ ವೆಳಾರ್ ಆಮ್ಚಾ ಫಿರ್ಗಜೆ ತರ್ಫೆನ್ ಫಿರ್ಗಜ್‌ಗಾರಾಂಕ್  ತಶೆಂಚ್ ಆಖ್ಯಾ ಸಂಸಾರಾಕ್ ಓಣಂಚೆ ಶುಭಾಶಯ್ ಪಾಟಯ್ತಾಂವ್. ಹರ್ಯೆಕ್ ಪಾವ್ಟಿಂ ಅಸಲೊಚ್ ದೀಸ್ ಉದೆವ್ನ್ ಯೇಂವ್ ಮ್ಹಣೊನ್ ದೆವಾಲಾಗಿಂ ಮಾಗ್ತಾಂವ್.

ಮರಿಯೆಕ್ ಹೊಗಳ್ಸಿಯಾಂ

ಸಪ್ತಂಬರಾಚಿ 8 ತಾರೀಕ್ ಕೊಂಕ್ಣಿ ಕ್ರೀಸ್ತಾವಾಂಕ್ ಸಂಭ್ರಮಾಚೊ ದೀಸ್ ಆಮ್ಚಿ ಸರ್ಗಿಂಚಿ ಆವಯ್ ಮರಿಯೆಚೊ ಜಲ್ಮಾ ದೀಸ್ ತರ್ ಆಮಿಂ ಸರ್ವಾಂ ಮೆಳೊನ್ ಕೀರ್ತಾನಾಂನಿ ಗಾವ್ಯಾಂ ಮರಿಯೆಕ್ ಹೊಗೊಳ್ಸಿಯಾಂ....

ಫುಟ್‌ಬಾಲ್ ಖೆಲ್ಗಾಡಿ ವಿಗಾರಾಂ ಸಂಗಿ

ಮಾನಾದಿಕ್ ಚಾರ್ಲ್ಸ್ ಮೊರಾಸ್ ಬಾಪಾಂಕ್ ಮೊಗಾಚಿ ಶ್ರದ್ಧಾಂಜಲಿ

ಮಾನಾದಿಕ್ ಜೋಸೆಫ್ ಚಾರ್ಲ್ಸ್ ಮೊರಾಸ್ ಕುಂಬ್ಳಾಚೊ ಆದ್ಲೊ ವಿಗಾರ್ ಅಂತರ್ಲೊ. ಸೊಮಾರಾ ಅಗೋಸ್ತಾಚಾ 26, 2013 ವೆರ್ ಸಾಂಜೆರ್ 6.15 ವರಾಂಕ್ ಮಂಗ್ಳೂರ್‌ಚಾ ಏಕಾ ಖಾಸ್ಗಿ ಆಸ್ಪತ್ರೆಂತ್ brain hemorrhage ಕ್ ಲಾಗೊನ್ ಆಪ್ಲ್ಯಾ 72 ವರ್ಸಾಂಚಾ ಪ್ರಾಯೆರ್ ದೆವಾದೀನ್ ಜಾಲೊ.

ಮಾನಾದಿಕ್ ಚಾರ್ಲ್ಸ್ ಮೊರಾಸ್ ಬಾಪಾಂನಿಂ ಸಪ್ಟಂಬರಾಚಾ 18, 1941 ಇಸ್ವೆಂತ್ ಆಗ್ರಾರ್ ಫಿರ್ಗಜೆಂತ್ ಜಲ್ಮ್ ಘೆತ್ಲೊ. ಶ್ರೀ ಆಂಟನಿ ಜೋನ್ ಮೊರಾಸ್ ಆನಿಂ ಎಸ್ಪರನ್ಸ್ ಪಿಂಟೊ ಹಾಂಚಾ 8 ಜಣಾ ಭುರ್ಗ್ಯಾಂ ಪೈಕಿ ಎಕ್ಲೊ ಜಾವ್ನಾಸ್ಲೆ. ದೊಗಾಂ ಭಯ್ಣಿಂ ಕಾರ್ಮೆಲಿತ್ ಮೆಳಾಚೆ ಆನಿಂ ಎಕ್ಲಿ ಕ್ಲೋಯ್ಸಟರ್ಡ್ ಮೆಳಾಚಿ ಧಾರ್ಮಿಕ್ ಭಯ್ಣಿಂ ಜಾವ್ನಾಸಾತ್. ದೆವಾದೀನ್ ಚಾರ್ಲ್ಸ್ ಮೊರಾಸ್ 30 ಜೂನ್, 1959 ಸಾಂ ಜುಜೆಚಾ ಸೆಮಿನಾರಿಕ್ ಭರ್ತಿ ಜಾಲೆ. ಸೆಮಿನಾರಿಚೆ ಶಿಕಾಪ್ ಸಂಪ್ತಚ್ಚ್ 4 ದಶಂಬರ್, 1967 ಇಸ್ವೆಂತ್ ಯಾ‌ಜಾಕೀ ದೀಕ್ಷಾ ಲಾಭ್ಲಿ.

ಬಜ್ಪೆ ಫಿರ್ಗಜಿಚೆ ಸಹಾಯಕ್ ವಿಗಾರ್, ಬೆಳ್ಮಣ್ ಆನಿಂ ಕಾಥೆದ್ರಲಾಂತ್ ಸಹಾಯಕ್ ವಿಗಾರ್ ಜಾವುನ್ ಸೆವಾ ದಿಲ್ಯಾ. ನಿಡ್ಪಳ್ಳಿ,ನಾರಂಪಾಡಿ,ತಲ್ಲೂರ್, ಪೆರ್ನಾಲ್, ಕಟೀಲ್ ಆನಿಂ ಕುಂಬ್ಳಾ ಫಿರ್ಗಜ್ಯಾನಿಂ ವಿಗಾರ್ ಜಾವುನ್ ಆಸ್‌ಲ್ಲೆ. ತಶೆಂಚ್ ಆಂಜೆಲೊರ್, ಉರ್ವಾ ಆನಿಂ ಬೊಂದೆಲ್ ಫಿರ್ಗಜೆಂನಿ ಆತ್ಮೀಕ್ ಸೆವಾ ದಿಲ್ಯಾ. ಒಲವಿನಹಳ್ಳಿ ಕೊಂವೆಂತಾಚೆ ಚಾಪ್ಲೈನ್ ಜಾವುನ್ ಸೆವಾ ದಿಲ್ಯಾ. ಬೊಂಬೆ ದಿಯೆಸೆಜಿಂತ್ ಆತ್ಮೀಕ್ ಸೆವಾ ದಿಲ್ಯಾ.

ಭಲಾಯ್ಕೆಚಾ ಕಾರಾಣಾಕ್ ಲಾಗೊನ್ 1995 ಉಪ್ರಾಂತ್ ಯಾಜಕೀ ಸೆವೆ ಥಾವುನ್ ನಿವೃತ್ತ್ ಜಾಲ್ಲೆಆನಿಂ ನಿವೃತ್ತ್ ಯಾಜಾಕಾಂಚೆ ಘರ್ ವಿಯಾನ್ನಿ ಹೋಮಾಂತ್ ವಸ್ತಿ ಕರುನ್ ಆಸ್‌ಲ್ಲೆ.

ವಿಗಾರಾಂಚೆ ಮರ್ಣಾರೀತ್ ವಾಲೆನ್ಸಿಯಾ ಫಿರ್ಗಜೆಂತ್ ಅಗೋಸ್ತಾಚಾ 28 ತಾರೀಕೆರ್ ಸಾಂಜೆರ್ 4.00 ವರಾಂಕ್ ಆಸ್ತೆಲಿ.

KUMBLA TEAM - FOOTBALL CHAMPIONS

Kumbla football team won Football championship held at Manjeshwar. In final kumbla team met Kasaragod church team defeating them at fenalty shootout. Earlier the considered as underdogs won against the host manjeshwar team defeating 1-0. In the first match between Mariyashram church team that match also ended in goalless. so the championship conductors at the end taken the decision to breakup kumbla team won that match. the hero of the championship hard striker Mr. Nelson D'souza also an athlete and other fighting guns. He also won best striker award. Best goalkeeper award bagged simon D'souza and this lamboo goalee is really real champ us. credit goes to other members also their ability to deffend and shocking breakthrough. We the blogteam congratulate the each and everyone of this formidable side.

ಸಾಂತ್ ಮೊನಿಕಾ ಫಿರ್ಗಜೆಚೆ ತಾರೀಕೆಚೆ ಫೆಸ್ತ್ - ವಿಗಾರ್ ಬಾಪಾಂಚಾ ಜಲ್ಮೋತ್ಸವಾಚೊ ಸಂಭ್ರಮ್

ಸಾಂತ್ ಮೊನಿಕಾ ಫಿರ್ಗಜ್ ಕುಂಬ್ಳಾಚೆ ತಾರೀಕೆಚೆ ಫೆಸ್ತ್ ವ್ಹಡಾ ದಬಾಜಾನ್ 25-08-2013 ವೆರ್ ಸಾಕಾಳಿಂ 10.30 ವರಾಂಕ್ ಸಂಭ್ರಮಿಕ್ ಮಿಸಾಚಾ ಬಲಿದಾನಾಂತ್ ಆರಂಭ್ ಜಾಲೆಂ. ಉಪ್ರಾಂತ್ ಜುಸ್ತ್ 12.00 ವರಾಂಕ್ ವಿಗಾರ್ ಮಾನಾದಿಕ್ ಮಾರ್ಸೆಲ್ ಸಾಲ್ದಾನಾ ಬಾಪಾಂಚೊ ಜಲ್ಮೋತ್ಸವ್ ಆಚರಣ್ ಕೆಲೊ. ಕಾರ್ಯೆ ಮಾಂಡುನ್ ಹಾಡ್ಲೆ. ಹ್ಯಾ ಕಾರ್ಯಾಂತ್ ಸಾಂತ್ ಮೊನಿಕಾ ಫಿರ್ಗಜೆಚೊ ಆದ್ಲೊ ವಿಗಾರ್ ಮಾನಾದಿಕ್ ಆಲ್ಬನ್ ರೋಡ್ರಿಗಸ್ ಬಾಪಾಂನಿಂ,ವಿಗಾರ್ ವಾರ್ ವಿನ್ಸೆಂಟ್ ಡಿಸೋಜ ಬಾಪಾಂನಿಂ, ಬೆಳಾ ಸಹಾಯಕ್ ವಿಗಾರ್ ತಶೆಂಚ್ ವಾಮಂಜೂರ್ ಸಹಾಯಕ್ ವಿಗಾರ್ ದೀಪಕ್ ಡೇಸಾ ಬಾಪಾಂನಿಂ ವಿಗಾರ್ ಬಾಪಾಂಕ್ ಉಲ್ಲಾಸ್ ಪಾಟಯ್ಲೆ. ಮಾನಾದಿಕ್ ಮಾರ್ಸೆಲ್ ಸಾಲ್ದಾನಾ ಬಾಪಾಂಕ್ ಶಾಲ್ ಆನಿಂ ಫಳ್ ವಸ್ತು ಸಮರ್ಪಿಲೆ. ವಿಗಾರ್ ಬಾಪಾಂಕ್ ಉಗ್ಡಾಸಾಚಿ ಕಾಣಿಕ್ ಅರ್ಪಿಲಿ. ಗಾಯನ್ ಮಂಡಳಿನ್ ಉಲ್ಲಾಸಾಚೆ ಗೀತ್ ಗಾಯ್ಲೆ. ಉಪ್ರಾಂತ್ ಫಿರ್ಗಜ್ ಗಾರಾಂಕ್ ಜೆವ್ಣಾಚಿ ವಿಲೆವಾರಿ ಕೆಲ್ಲಿ. ಹೆಂ ಸಗ್ಳ್ಯೆ ಕಾರ್ಯೆ ಸೊಭಿತ್ ರೀತಿನ್ ಪ್ರಸನ್ನ ಡಿಸೋಜನ್ ನಿರ್ವಹಣ್ ಕೆಲ್ಲೆ. ರಾಜು ಸ್ಟೀಫನ್ ಡಿಸೋಜಾನ್ ಹಾಚಿ ವರ್ತಿ ಜವಾಬ್ದಾರಿ ಕಾಣ್ಘೆಲಿ.

ಸೈಂಟ್ ಮೊನಿಕಾ ಇಂಗ್ಲೀಷ್ ಮೀಡಿಯಂ ಇಸ್ಕಾಲಾಂತ್ - ಸ್ವಾತಂತ್ರೋತ್ಸವ್ ಆಚರಣ್

 ಆಮ್ಚೆ ಸ್ವಾತಂತ್ರ್ ಆಚರಣ್

ಸಾಂತ್ ಮೊನಿಕಾ ಫಿರ್ಗಜಿಚಾ ಆಂಗ್ಲ್ ಮಾಧ್ಯಮ್ ಇಸ್ಕಾಲಾಚಾ ವಠಾರಾಂತ್ ಭಾರತ್ ದೇಶಾಚೆ ಸ್ವಾತಂತ್ರೋತ್ಸವ್ ಆಚರಣ್ ಕೆಲೆ. ಸಾಕಾಳಿಂ 8 ವರಾಂಕ್ ಸಂಭ್ರಮಾಚೆ ಮಿಸಾಚೆಂ ಬಲಿದಾನ್ ಆನಿಂ ಜುಸ್ತ್ 9.30 ವರಾಂಕ್ ಧ್ವಜಾರೋಹಣ್ ಕಾರ್ಯೆ ಚಲಯ್ಲೆಂ. ಹ್ಯಾ ಕಾರ್ಯಾಂತ್ ಸಾಂತ್ ಮೊನಿಕಾ ಫಿರ್ಗಜಿಚೆ ವಿಗಾರ್ ಮಾನಾದಿಕ್ ಮಾರ್ಸೆಲ್ ಸಾಲ್ದಾನಾ ಬಾಪಾಂನಿಂ ಆಪ್ಲೊ ಸಂದೇಶ್ ದಿಲೊ. ಇಸ್ಕಾಲಾಚಿಂ ಮುಖೆಲ್ ಮೆಸ್ತ್ರಿಣ್ ಸಿಸ್ಟರ್ ಆನ್ಸಿನ್ ಸ್ವಾಗತ್ ಕೆಲೊ. ರಕ್ಷಕ್ ಶಿಕ್ಷಕ್ ಸಂಘಚಾ ಅಧ್ಯಕ್ಷಿಣ್ ಉಪಸ್ಥಿತ್ ಆಸ್‌ಲ್ಲಿ. ಕಾರ್ಯಾಂತ್ ಭುರ್ಗ್ಯಾಂನಿಂ ವಿವಿಧ್ ತಾಲೆಂತಾಂ ಪ್ರದರ್ಶಿತ್ ಕೆಲಿ. ಸಂಭ್ರಮಾಚೆಂ ಮಾರ್ಚ್ ಫಾಸ್ಟ್ ಚಲ್ಲೆಂ.

ತುಮ್ಕಾಂ ಸರ್ವಾಂಕ್ ಭಾಗಿ ಮರಿಯೆಚಾ ಸ್ವರ್ಗಾರೋಹಣಾಚೊ ಆನಿಂ ಸ್ವತಂತ್ರಾಚೊ ದೀಸ್ ಮಾಗ್ತಾಂವ್

WISH YOU HAPPY INDEPENDENCE DAY

ವಿಗಾರ್ ಬಾಪಾಂಕ್ - ಸಾಟ್ ವರ್ಸಾಂಚಾ ಜಲ್ಮೋತ್ಸವಾಚೆಂ ಆಭಿನಂದನ್

ಕುಂಬ್ಳಾಚೆ ವಿಗಾರ್ ಮಾ|ಮಾರ್ಸೆಲ್ ಸಾಲ್ಡಾನಾ ಬಾಪಾಂಕ್

ಸಾಟ್ ವಾರ್ಸಾಂಚಾಂ ಜಲ್ಮೋತ್ಸವಾಚೆಂ ಅಭಿನಂದನ್

ಆಪ್ಲ್ಯಾ ಪರಿಶ್ರಮಾಕ್, ಪ್ರಯತನಾಂಕ್, ವಾವ್ರಾಕ್ ಆನಿಂ ಉದರ್ಗತೆಚಿ ಸ್ವಪ್ಣಾ ದೆಕ್ಚೆ ನಾಂವಾಡ್ದಿಕ್ ಕುಂಬ್ಳಾಚೆಂ ವಿಗಾರ್ ಮಾ| ಮಾರ್ಸೆಲ್ ಸಾಲ್ಡಾನಾ ಬಾಪ್ 60ವೆಂ ಜಲ್ಮೋತ್ಸವ್ ಆಚಾರ್ಸಿತಾತ್. ಶಿರ್ತಾಡಿಂತ್ಲ್ಯಾಂ ಶ್ರೀ ಲೋರೆನ್ಸ್ ಸಾಲ್ಡಾನಾ ಆನಿಂ ನಾತಾಲಿಯ ಸಾಲ್ಡಾನಾ ಹಾಂಚಾ ದೆವೊತ್ ಕುಟ್ಮಾಂತ್ ಧಾ ಜಣಾಂ ಭುರ್ಗ್ಯಾಂ ಮಧೆಂ ಮಾರ್ಸೆಲ್ ಸಾಲ್ಡಾನಾ ಬಪಾಂನಿಂ 14-08-1953 ಇಸ್ವೆಂತ್ ಜಲ್ಮ್ ಘೆತ್ಲೊ. ಪ್ರೈಮರಿ ಶಿಕಾಪ್ ಹೋಲಿ ಏಂಜಲ್ಸ್ ಇಸ್ಕಾಲಾಂತ್ ತಶೆಂ ಹೈಸ್ಕೂಲ್ ಶಿಕಾಪ್ ಜವಾಹರಲಾಲ್ ನಹೆರು ಹೈಸ್ಕೂಲಾಂತ್ ಸಂಪಯ್ಲೆಂ. ಉಪ್ರಾಂತ್ ಸೈಂಟ್ ಎಲೋಶಿಯಸ್ ಕಾಲೇಜಿಂತ್ ಶಿಕಾಪ್ ಮುಂದರುನ್ ವೆಲೆಂ. 11-05-1979 ಇಸ್ವೆಂತ್ ಯಾಜಕೀ ದೀಕ್ಷಾ ಆಪ್ಣಾಯ್ಲಿ.

ಮಾನಾದಿಕ್ ಮಾರ್ಸೆಲ್ ಸಾಲ್ಡಾನಾ ಬಾಪಾನಿಂ 3 ವರ್ಸಾಂ ಪುತ್ತೂರಾಂತ್ ಸಹಾಯಕ್ ವಿಗಾರ್ ಜಾವುನ್, 5 ವರ್ಸಾಂ ಉಜಿರೆ ಫಿರ್ಗಜೆಂತ್ ವಿಗಾರ್ ಜಾವುನ್, ಉಪ್ರಾಂತ್ 10 ವರ್ಸಾಂ ಜೆಪ್ಪು ಸಾಂ ಜುಜೆಚಾ ವರ್ಕ್ ಶೋಪಾಂತ್ ದಿರೆಕ್ತೊರ್ ಜಾವುನ್ ಸೆವಾ ದಿಲ್ಯಾ, ಪಾನೀರ್ ಫಿರ್ಗಜೆಂತ್ 7 ವರ್ಸಾಂ ಕಲ್ಯಾಣ್‌ಪುರ್ ಫಿರ್ಗಜೆಂತ್ 7 ವರ್ಸಾಂ ಯಾಜಕೀ ಸೆವಾ ದಿಲ್ಯಾ.

ಪ್ರಾಮಾಣಿಕ್ ವಾವ್ರಾಡಿ ಆನಿಂ ಪೋಲೀಸ್ ಅಧಿಕಾರಿ ಶ್ರೀ ಸುರೇಂದ್ರನ್ (ಐ.ಪಿ.ಎಸ್) ಕೊಲ್ಲಂ ಜಿಲ್ಲ್ಯಾಕ್ ವರ್ಗಾವಣ್

    

    ಶಿಕ್ಷಣ್ ಕ್ಷೇತ್ರಾಕ್ ಏಕ್ ಮೇಲ್ಪಂಕ್ತ್ ಜಾಲ್ಲೊ ಎದೊಳ್ ಮ್ಹಣಾಸರ್ ಚಿಂತುಂಕ್ ಅಸಾಧ್ಯ ಜಾಲ್ಲೆ ಕಾಮ್ ಆಸಾ ಕೆಲ್ಲೊ ಪೋಲೀಸ್ ಅಧಿಕಾರಿ ಕಾಸರಗೋಡ್ ಜಿಲ್ಲ್ಯೆಚೊ ಎಸ್.ಪಿ ಶ್ರೀ ಸುರೇಂದ್ರನ್ ಕೆ ಹಾಕಾ ಕೊಲ್ಲಂ ಜಿಲ್ಲ್ಯಾಕ್ 03-07-2013 ಕ್ ವರ್ಗಾವಣ್ ಕೆಲೊ. 2012 ಜನವರಿಂತ್ ಅಧಿಕಾರ್ ಸ್ವೀಕಾರ್ ಕೆಲ್ಲೊ ಹೊ ಪೋಲೀಸ್ ಅಧಿಕಾರಿನ್ ಏಕ್ ಭಾರೀಕ್ ಆಶಾಂತ್ ಪ್ರದೇಶ್, ಕೋಮು ಭಾವನ್ ಆಸ್ಲೊ ಜಾಗೊ ಮ್ಹಣೊನ್ ನಾಂವಾಡ್ದಿಕ್ ಜಾಲ್ಲ್ಯಾ ಕಾಸಗೋಡಾಂತ್ ಏಕ್ ಕ್ರಾಂತಿ ಉಬ್ಜಾಶಿ ಕೆಲ್ಲಿ. ತಾಚಾ ಆಧಿಕಾರಾಚಾ ಕಾಳಾರ್ ಏಕ್ ಪುಣೀ ಹರತಾಳ್ ನಾತ್ಲೆ ಆಜಾಪ್ ತಶೆಂ ಭಗ್ತಾ. 

      ಹೊ ಅಧಿಕಾರಿ ಕಿತ್ಲೊ ಶಾಣೊ ಆನಿಂ ಭುದ್ವಂತ್ ಮ್ಹಳ್ಯಾರ್ ತಾಚಾಚ್ ಉತ್ರಾನ್ "ಹಾಂವೆಂ ಕಿತೆಂಯಿ ಕರುಂಕ್ ನಾಂ ರೌಡಿಂಚಿ ಏಕ್ ಲಿಸ್ಟ್ ಕೆಲಿಂ ಆನಿಂ ನಿರಂತರ್ ತಾಂಚಾ ಘರಾಂನಿಂ ತಾಂಚೊ ಪಾಟ್ಲಾವ್ ಕರುನ್ ತಾಂಕಾ ಗಾಂವಾಂತ್ ರಾವಾನಾಶೆಂ ತುಕ್ಲಾಯ್ಲೆ. ತಶೆಂಚ್ ಸುಮಾರ್ ಅಡೇಸ್ ಹಜಾರ್ ಜಣ್ ಆಜ್ ಹರಾತಾಳಾಕ್ ಆನಿಂ ಗಾಂವಾಂತ್ ಮಾರೇಕರ್ ಜಾವ್ನಸ್ಚೆ ಮನಿಸ್ ಶಾಂತ್ ಜಾಲ್ಯಾತ್. ನಾಂ ತರ್ ಗಾಂವಾಂತ್ ನಾಂತ್ ಬಾಯ್ಲ್ಯಾ ಗಾಂವಾಂನಿಂ ಕಾಮ್ ಕರ್ತಾತ್. ತಶೆಂ ಜಾಲ್ಲ್ಯಾನ್ ಕಾಸರಗೋಡ್ ಆಜ್ ಶಾಂತ್ ಜಾಲಾ." 

ಪ್ರಿಮೆಟ್ರಿಕ್ ಅಲ್ಪಸಂಖ್ಯಾತ್ ಸ್ಕೋಲರ್ ಶಿಪ್

ಪ್ರಿಮೆಟ್ರಿಕ್ (ಅಲ್ಪಸಂಖ್ಯಾತ್) ಸ್ಕೋಲರ್ ಶಿಪ್ಪಾಚೆ ಎಪ್ಲಿಕೇಶನ್ ಫೋರ್ಮ್ ಭರ್ತಿ ಕರ್ಚ್ಯಾವಿಶ್ಯಾಂತ್

ಸೂಚನ್: ಪ್ರಿಮೆಟ್ರಿಕ್ ಸ್ಕೋಲರ್ ಶಿಪ್ ಅರ್ಜಿ ಘಾಲ್ತಾನಾ 12 ಸಂಖೆ ಆಸ್ಲೆಲೆ ಆಧಾರ್ UID ನಂಬರ್ ಖಡ್ಡಾಯ್ ಕೆಲಾ. ರಾಷ್ಟ್ಱೀಕೃತ್ ಬ್ಯಾಂಕಾ ಥಾವುನ್ ಭುರ್ಗ್ಯಾಚ್ಯಾ ನಾಂವಾರ್ ಎಕೌಂಟ್ ಉಗ್ತಾವನ್ ಕರಿಜಯ್. ಪರೀಕ್ಷೆಂತ್ 50% ಮಾರ್ಕ್ ಖಡ್ಡಾಯ್ ಆಸೊಂಕ್ ಜಾಯ್. ವಾರ್ಷಿಕ್ ಕುಟ್ಮಾಚೊ ಆದಾಯ್ 1,00,000 ಮ್ಹಣಾಸರ್ ಆಸ್ಲೆಲ್ಯಾಂಕ್ ಅರ್ಜಿ ಘಾಲುಂಕ್ ಆವ್ಕಾಸ್ ಆಸಾ.

ಶ್ರದ್ಧಾಂಜಲಿ

ಕುಂಬ್ಳಾ ಫಿರ್ಗಜೆಂತ್ ತುಮ್ಚೆ ಮೆತೆರ್ಪಣ್ ಅಪರಿಮಿತ್, ಅಮೂಲ್ಯ್ ತುಮ್ಚಾಂ ಸೆವೆಕ್ ಆಮ್ಚೊ ನಮಾನ್.

    ಮಾನಾದಿಕ್ ಲೂವಿಸ್ ಸೋಜ್ ಕುಂಬ್ಳಾಚೊ ಆದ್ಲೊ ವಿಗಾರ್ ಅಂತರ್ಲೊ. ಜೂನಾಚಾ 17 ತಾರಿಕೆರ್ ಸಾಕಾಳಿಂ 8.30 ವೊರಾಂಕ್ ನ್ಯೂಮೋನಿಯಾಚ್ಯಾ ಕಾರಾಣಾಕ್ ಲಾಗೊನ್ ಖಾಸ್ಕಿ ಆಸ್ವತ್ರೆಂತ್ ದೆವಾದೀನ್ ಜಾಲೆ. ತಾಂಚಾ 69 ವರ್ಸಾ ಲಾಂಬ್ ಆವ್ದೆಂತ್ 40 ವರ್ಸಾಂ ಸಬಾರ್ ಫಿರ್ಗಜ್ಯಾಂನಿಂ ಯಾಜಾಕೀ ಸೆವಾ ದಿಲ್ಯಾ. 

ಲೂವಿಸ್ ಸೋಜ್ ಮೂಡುಬೆಳ್ಳೆ ಫಿರ್ಗೆಜೆಂತ್ 1944 ಸಪ್ತಂಬರ್ 26 ತಾರೀಕೆರ್ ಜಲ್ಮ್ ಘೆತ್ಲೊ.  1973 ಮೇಯಾಚ್ಯಾ 10 ತಾರೀಕೆರ್ ಬಾಪಾಂಕ್ ಯಾಜಕೀ ದೀಕ್ಷಾ ಲಾಭ್ಲಿ. 

ನವೆಂ ಶೈಕ್ಷಣಿಕ್ ವರಸ್ ಆರಂಭ್ ಜಾತಾನಾ.....

 ನವೆಂ ಶೈಕ್ಷಣಿಕ್ ವರಸ್ ಆರಂಭ್ ಜಾತಾನಾ ಭುರ್ಗ್ಯಾಂಕ್ ನವ್ಯಾ ಇಸ್ಕಾಲಾಂ ವಿಷ್ಯಾಂತ್ ದುಸ್ರಿಚ್ ಚಿಂತ್ಪಾಂ ಪ್ರವೇಶ್ ಜಾತಾತ್.  ಥೈಂ ಮ್ಹಾಕಾ ಚಡ್ ಅವ್ಕಾಸ್ ಮೆಳಾತ್? ಮೊಗಾಚ್ಯಾ ಇಷ್ಟಾಂಕ್ ಸೊಧ್ಚಾಂತ್ ಏಕ್ ಸಗ್ಳೊ ದೀಸ್ ಪಾಶಾರ್ ಜಾತಾ. ಏಕಾ ಖುಶಿನ್ ಭಾರಿಚ್ ಸಂತೊಸಾನ್ ವಿಭಾಡ್ ಕೆಲ್ಲೆ ರಜೆಚೆ ದೀಸ್, ಬೆಜಾರಾಯ್ ಭಗ್ತಾ ತರೀ... ವ್ಹಡಿಲಾಂಚಾ ಜತ್ನನ್ ತಶೆಂಚ್ ಒತ್ತಾಯೆನ್, ಪಾವ್ಸಾಚ್ಯಾ  ಆರಂಭಾರ್ ಉಪ್ಕಾರಾಕ್ ಪಡ್ಟೆ ಶಿಕಾಪ್ ಸುರು ಜಾತಾ....

    ಆಮ್ಚಿಂ ಚಡಾವತ್ ಭುರ್ಗಿಂ ಸರಕಾರಿ ಇಸ್ಕಾಲಾಕ್ ವಾ ಮಾದ್ರಿಂಚಾ ಇಸ್ಕಾಲಾಕ್ ವೆತಾತ್. ಆನಿಂ ಕುಟ್ಮಾಚೆ ಸ್ಥಿತಿ ಸಮ್ಜೊನ್ ಕೊಡ್ಯಾಳಾಂತ್ ನಾಂ ತರ್ ಪಯ್ಸ್ ಹೊಸ್ಟೆಲಾಂನಿಂ ವಸ್ತಿ ಕರುನ್ ಶಿಕಾಪ್ ಜೊಡ್ತಾತ್. ಕಿತೆಂಯ್ ಜಾಲ್ಯಾರೀ ಇಸ್ಕಾಲಾಂತ್ಲೆ ಶಿಕಾಪ್ ನೈಂ ಬಗಾರ್ ಆಮ್ಚೆಂ ಥೈಂ ಆಸ್ಲೊಲೆ ಮನೋಭಾವ್ ಹೆಂ ಸಕ್ಟಾಕ್ ಕಾರಣ್ ಜಾತಾ. 

    ದೀಸ್ ಪುರ್ತೊ ಕುಲಿಚೆ ಕಾಮ್ ಕರ್ಚಾ ಸಾಮಾನ್ಯ್ ಮನ್ಶ್ಯಾಂಕ್ ಆತಾಂ ಇಂಗ್ಲೀಷ್ ಮಾಧ್ಯಮಾಂತ್ ಭುರ್ಗ್ಯಾಂಕ್ ಶಿಕಾಪ್ ದೀಂವ್ಕ್ ಜಾಯ್. ವ್ಹಯ್ ತಾಣಿಂ ಚಿಂತ್ಚೆ ಸಮಾ.... ಕಿತೆಂ ತಾಂಚಾಂ ಭುರ್ಗ್ಯಾಂಕ್ ಬರೆಂ ಶಿಕಾಪ್ ದೀಂವ್ಕ್ ತಾಂಕಾ ಆವ್ಕಾಸ್ ನಾಂಗೀ? 

    ಸಾಂಗ್ಚೆಂ ಕಿತೆಂಗೀ ಮ್ಹಳ್ಯಾರ್ ಆಮ್ಚಾ ಸರ್ಕಾರಿ ಇಸ್ಕಲಾಂಚಿ ಸ್ಥಿತಿ ಆತಾಂ ಬರಿ ಜಾಲ್ಯಾ. ಹಾಚ್ಯಾವರ್ನಿಂ ಸಂಕಷ್ಟಾಂಚಿ ಸ್ಥಿತಿ ಜಾಂವ್ಕ್ ಪಾವ್ಲ್ಯಾ ಆಮ್ಚಾ ಭಂವ್ತಣಿಂ ಆಸ್ಲೆಲ್ಯಾ ಅನುದಾನಿತ್ ಆನಿಂ ಅನನುದಾನಿತ್ ಇಸ್ಕಾಲಾಂ. ವಿಶೇಷ್ ಕಿತೆಂಗೀ ಮ್ಹಳ್ಯಾರ್ ಸರ್ಕಾರಿ ಇಸ್ಕಾಲಾಂ ಸಬಾರ್ ಸವ್ಲತ್ಯೊ ಜೊಡನ್ ಘೆತಾಂ. ಹಾಕಾ ಏಕ್ ಉದಾಹರಣ್ ಆಮ್ಚಾ ವಠಾರಾಂತ್ ಸಬಾರ್ ಶಿಕ್ಪಾ ತಶೆಂ ಶಿಕ್ಪಾ ಇತರ್ ವಿಷಯಾಂಚೆರ್ ಉಂಚ್ಲ್ಯಾ ಹಂತಾರ್ ಆಸ್ಚ್ಯಾ ಜಿ.ಯು.ಪಿ.ಎಸ್ ಕೂಟ್ಟಕ್ಕಣಿ ಇತರ್ ಇಸ್ಕಾಲಾಂಕ್ ಏಕ್ ಮೇಲ್ಪಂಕ್ತ್ ಜಾವ್ನಾಸಾ. 

ವಿಗಾರ್ ಮಾರ್ಸೆಲ್ ಸಾಲ್ದಾನಾ

WISH YOU HAPPY BIRTHDAY

First BIRTHDAY CELEBRATION

OF 

REEYA HILARY D'SOUZA

02-06-2013

 DAUGHTER OF

Smt. Rosy & Hilary D'souza

ಪಯ್ಲ್ಯಾ ಜಲ್ಮಾ ವರ್ಸಾಚೆ ಹಾರ್ದಿಕ್ ಉಲ್ಲಾಸ್

ಕುಂಬ್ಳಾಚೊ ವಿಗಾರ್ ಮಾನಾದಿಕ್ ಮಾರ್ಸೆಲ್ ಸಾಲ್ದಾನಾ

ಮಾನಾದಿಕ್ ಮಾರ್ಸೆಲ್ ಸಾಲ್ದಾನಾ ಬಾಪ್ ಕುಂಬ್ಳಾ ಫಿರ್ಗಜೆಚೊ ವಿಗಾರ್ ಜಾವ್ನ್ ದೋನ್ ವರ್ಸಾ ಸಂಪ್ತಾತ್. ಹ್ಯಾ ವೆಳಾ ತಾಂಚೆಂ ವಿಶಿ ಬರಂವ್ಕ್ ಮ್ಹಾಕಾ ಖುಶಿ ಜಾತಾ. 

ಮೂಡಬಿದಿರೆಚ್ಯಾ ಶಿರ್ತಾಡಿಚಾ ಸಾಗೊಳೆಗಾರಾಂಚಾ ಕುಟ್ಮಾಂತ್ ಮಾರ್ಸೆಲ್ ಸಾಲ್ದಾನಾ ಬಾಪಾಂಚೊ ಜಲ್ಮ್ ಜಾಲೊ. ಹಾಂಚೆಂ ಪ್ರಾಥಮಿಕ್  ಆನಿಂ ಹೈಸ್ಕೂಳ್ ಶಿಕಾಪ್ ಮೂಡುಬಿದಿರೆಂತ್ ಜಾಲೆ. ಉಂಚ್ಲೆ ಶಿಕಾಪ್ ಸಾಂತ್ ಎಲೋಶಿಯಸ್ ಕಾಲೆಜಿಂತ್ ಸಂಪಯ್ಲೆ. ಆನಿಂ ದೆವಾಚೆ ಆಪವ್ಣೆ ಮಾನುನ್ ಘೆವ್ನ್ ಸಾಂತ್ ಜುಜೆಚಾ ಸೆಮಿನಾರಿಂತ್ ಭರ್ತಿ ಜಾಲ್ಯಾತ್ ಆನಿಂ ಯಾಜಕೀ ದೀಕ್ಷಾ ಆಪ್ಣಾಯ್ಲಿ. 2008 ಇಸ್ವೆಂತ್ ಕಲ್ಯಾಣಪುರ ಇಗರ್ಜೆಕ್ ವರ್ಗ್ ಜಾವ್ನ್ ಘೆಲ್ಯಾತ್. ಥೈಂ ಆಸ್ಲೆಲ್ಯಾ ವಿದ್ಯಾಸಂಸ್ಥ್ಯಾಚೆಂ ಜವಾಬ್ದಾರಿ ತುಮ್ಚಿ ಜಾಲಿ. ಕಲ್ಯಾಣಪುರ ಫಿರ್ಗಜೆಂತ್ ಸಬಾರ್ ಆಜಾಪಾಂಚಿ ಕಾಮಾ ತುಮಿ ಕೆಲಿ. 

ತುಮಿ ಸ್ವತಃ ಏಕ್ ಖೆಲ್ಗಾಡಿ ಜಾವ್ನ್ ಆಸಾತ್. ತುಮ್ಚೆ ಆಸಕ್ತೆಚೆ ವಿಷಯ್ ಸಬಾರ್. ಖೆಳಾಂತ್ ಯುನಿವರ್ಸಿಟಿ ಹಂತಾರ್ ತುಮಿ ಭಾಗ್ ಘೆವ್ನ್ ಇನಾಮ್ ಆಪ್ಣಾಯ್ಲಾ ಮ್ಹಣೊನ್ ಚಿಂತ್ತಾನಾ ಯುವಜಣಾಂಕ್ ತುಮಿ ಪ್ರೇರಕ್ ಸಕತ್ ಜಾವ್ನಾಸಾತ್.

ತುಮ್ಕಾಂ ಸಂಸ್ಕೃತೆ ಥೈಂ ಅಭಿರುಚ್ ತ್ಯಾ ದೆಕುನುಚ್ಚ್ ಕಲ್ಯಾಣ್ ಪುರಾಂತ್ ವ್ಯವಸ್ಥಿತ್ ಮ್ಯೂಸಿಯಂ ತುಮಿ ಆಸಾ ಕೆಲೆ. ಹರ್ಯೆಕಾ ಸಂಗ್ತೆಂತ್ ತುಮ್ಕಾಂ ಚಡ್ ಹುಸ್ಕೊ ಆನಿಂ ಹರ್ಯೆಕಾ ಕರ್ನಿ ಕರ್ತಾನಾ ಶಿಸ್ತ್ ಸಾಂಬಾಳಿಜಯ್ ಮ್ಹಣೊನ್ ತಮ್ಚಾ ಉತ್ರಾಂತ್ ಜಿವಿತಾಂತ್ ಆಸ್ಚೆ ಸತ್. 

ಕುಂಬ್ಳಾಂತ್ ತೊಟಾಂತ್ ಕಾಮ್ ಕರುನ್ ದಿಸಾಚಿ ವಿರಾರಾಯ್ ವಿಸಾರ್ತಾತ್. ತುಮಿ ತೊಟಾಂತ್ ಕಾಮ್ ಕರ್ಚೆ ಪಳೆತಾನಾ ತರ್ನಾಟ್ಯಾಂಕ್ ಲಜ್ ತಶೆಂ ಭಗ್ತಾ. ಕಿತ್ಯಾಕ್ ಮ್ಹಳ್ಯಾರ್ ಹೆಂಚ್ ಶಿಸ್ತ್ ತರ್ನೆ ಪಿಳ್ಗೆನ್ ಆಪ್ಲ್ಯಾ ಜೀವನಾಂತ್ ವಾಪಾರಿಜಯ್ ಜಾಲ್ಲೆ. 

 ವಿಗಾರ್ ಬಾಪ್ ಕುಂದಾಪುರಾಂತ್ಲ್ಯಾ ಮ್ಯೂಸಿಯಮಾಂತ್

                              ಮುಂದರುನ್ ವೆತಾ..........

ಹಾರ್ದಿಕ್ ಉಲ್ಲಾಸ್

ತಿದೊಡೊ ಸಂಭ್ರಮ್ 

26-05-2013

ಯಾಜಕೀ ಜೀವನಾಚೊ ರುಪ್ಯೋತ್ಸವ್ ಆಚರ್ಸುಂಚಾ ಮಾನಾದಿಕ್ ಆಲ್ಬನ್ ರೋಡ್ರಿಗಸ್ ಬಾಪಾಂಕ್ ಹಾರ್ದಿಕ್ ಉಲ್ಲಾಸ್ ಪಾಟಯ್ತಾಂವ್ ಆನಿಂ ಸಾಂತ್ ಮೊನಿಕಾ ಫಿರ್ಗಜ್ ಹಾರ್ದಿಕ್ ಯೇವ್ಕಾರ್ ಮಾಗ್ತಾ.

ತಶೆಂಚ್ ಕಾಜಾರಿ ಜೀವಾನಾಚೊ ರುಪ್ಯೋತ್ಸವ್ ಆಚರ್ಸುಂಚಾ ಶ್ರೀ ಜೇಕಬ್ ಕ್ರಾಸ್ತಾ ಆನಿಂ ಮೇರಿ, ಆಂಬ್ರೊಜ್ ವಾಡೊ ಹಾಂಕಾ ಹಾರ್ದಿಕ್ ಉಲ್ಲಾಸ್ ಪಾಟಯ್ತಾಂವ್

ತಶೆಂಚ್ ಪವಿತ್ರ್ ಬಾಪ್ತಿಜ್ಮ್ ಸ್ವೀಕಾರ್ ಕರ್ಚಾ ಶ್ರೀ ಡೋಲ್ಫಿ  ಡಿಸೋಜ ಆನಿಂ ಜ್ಯೋತಿ -ಭುರ್ಗ್ಯಾಚೆ ನಾಂವ್ ಡೆಲೀಶಾ ಹಾಂಕಾ ಹಾರ್ದಿಕ್ ಉಲ್ಲಾಸ್

ಭಾಂಗಾರೋತ್ಸವಾಚೊ ಸಂಭ್ರಮ್

2013 ಮೇಯಾಚ್ಯಾ 15 ತಾರಿಕೆರ್ ಅಪ್ಲ್ಯಾ ಕಾಜಾರಿ ಜೀವಾನಾಚೊ ಭಾಂಗ್ರೋತ್ಸವ್ ಆಚರ್ಸುಂಚೆ ಕುಂಬ್ಳಾಚೆ ಫಾಮಾದ್ ಆನಿಂ ಆಪ್ರೂಪ್ ಜೊಡೆಂ ತುಮ್ಕಾಂ ಮಾನಾಚೊ ಆನಿಂ ಘನಾಚೊ ಉಲ್ಲಾಸ್.

ಲಾಂಬ್ ಆವ್ಕ್ ಆನಿಂ ಭಲಾಯ್ಕಿ ಮಾಗ್ತಾಂ