ಶ್ರದ್ಧಾಂಜಲಿ

ಕುಂಬ್ಳಾ ಫಿರ್ಗಜೆಂತ್ ತುಮ್ಚೆ ಮೆತೆರ್ಪಣ್ ಅಪರಿಮಿತ್, ಅಮೂಲ್ಯ್ ತುಮ್ಚಾಂ ಸೆವೆಕ್ ಆಮ್ಚೊ ನಮಾನ್.

    ಮಾನಾದಿಕ್ ಲೂವಿಸ್ ಸೋಜ್ ಕುಂಬ್ಳಾಚೊ ಆದ್ಲೊ ವಿಗಾರ್ ಅಂತರ್ಲೊ. ಜೂನಾಚಾ 17 ತಾರಿಕೆರ್ ಸಾಕಾಳಿಂ 8.30 ವೊರಾಂಕ್ ನ್ಯೂಮೋನಿಯಾಚ್ಯಾ ಕಾರಾಣಾಕ್ ಲಾಗೊನ್ ಖಾಸ್ಕಿ ಆಸ್ವತ್ರೆಂತ್ ದೆವಾದೀನ್ ಜಾಲೆ. ತಾಂಚಾ 69 ವರ್ಸಾ ಲಾಂಬ್ ಆವ್ದೆಂತ್ 40 ವರ್ಸಾಂ ಸಬಾರ್ ಫಿರ್ಗಜ್ಯಾಂನಿಂ ಯಾಜಾಕೀ ಸೆವಾ ದಿಲ್ಯಾ. 

ಲೂವಿಸ್ ಸೋಜ್ ಮೂಡುಬೆಳ್ಳೆ ಫಿರ್ಗೆಜೆಂತ್ 1944 ಸಪ್ತಂಬರ್ 26 ತಾರೀಕೆರ್ ಜಲ್ಮ್ ಘೆತ್ಲೊ.  1973 ಮೇಯಾಚ್ಯಾ 10 ತಾರೀಕೆರ್ ಬಾಪಾಂಕ್ ಯಾಜಕೀ ದೀಕ್ಷಾ ಲಾಭ್ಲಿ. 

 

    ದೆವಾದೀನ್ ಲೂವಿಸ್ ಸೋಜ್ ಬಾಪಾಂನಿಂ 1973 ಥಾವುನ್ 1977 ಪರ್ಯಾಂತ್ ಸಹಾಯಕ್ ವಿಗಾರ್ ಜಾವುನ್ ಉದ್ಯಾವರ್ ಫಿರ್ಗಜೆಂತ್ ಸೆವಾ ಅರ್ಪಿಲ್ಯಾ. ಇಂದುಬೆಟ್ಟು ಫಿರ್ಗಜೆಂತ್ ವಿಗಾರ್ ಜಾವುನ್ 1977 ಥಾವುನ್ 1981 ಪರ್ಯಾಂತ್ ಸೆವಾ ದಿಲ್ಯಾ. ತಶೆಂಚ್ ಬೆಳ್ವೆ ಗುಮ್ಮಹೊಳೆ ಫಿರ್ಗೆಜೆಂತ್ 1981 ಥಾವ್ನ್ 1985 ಮ್ಹಣಾಸರ್, 1985 ಥಾವ್ನ್ 1993 ಪರ್ಯಾಂತ್ ಪೇತ್ರಿ ಫಿರ್ಗಜೆಂತ್, 1993 ಥಾವುನ್ 1998 ಕುಂಬ್ಳಾಂತ್ ತಾಂಚಿಂ ಬಹು ಅಮೂಲ್ಯ್ ಸೆವಾ ಅರ್ಪಿಲ್ಯಾ. 

    ಭಲಾಯ್ಕೆಚಾ ಕಾರಾಣ್ ಜಾವುನ್ 2008 ಥಾವುನ್ ತಾಣಿಂ ಸ್ಪಖುಶೆನ್ ಯಾಜಕೀ ಸೆವೆಂತ್ಲೆ ನಿವೃತ್ತ್ ಪಣ್ ಘೆತ್ಲೆಲೆ. ಉಪ್ರಾಂತ್ಲಿ ಸಬಾರ್ ವರ್ಸಾ ಬಿಸ್ಪಾಂಚಾ ನಿವಾಸಾಂತ್ ಆಸ್ಲೆಲೆ. ಉಪ್ರಾಂತ್ ನಿವೃತ್ತ್ ಯಾಜಾಕಾಂಚಾ ವಿಯಾನ್ನಿ ಘರಾಂತ್ ಆಸ್ರೊ ಘೆತ್ಲೊ. ಆವ್ಚಿತ್ ಶ್ವಾಸಕೋಶಾಂತ್ ಸಮಸ್ಯೆ ಉಬ್ಜವ್ನ್ ತೆ ದೆವಾದೀನ್ ಜಾಲ್ಯಾತ್. 

     ತಾಂಚಾಂ ಹ್ಯಾ ಮರಣಾಂತ್ ಕುಂಬ್ಳಾಚಿಂ ದೇವ್ ಪ್ರಜಾ,ಫಿರ್ಗಜ್ ಕುಟಾಮ್, ಗೊವ್ಳಿಕ್ ಪರಿಷದೆಂ ಆನಿಂ ಯಾಜಾಕಾಂ ಸವೆಂ ಶೃದ್ಧಾಂಜಲಿ ಅರ್ಪಿತಾ. ತಾಂಚಾಂ ಅತ್ಮ್ಯಾಕ್ ಸಾಸ್ಣಾಚೊ ವಿಶೆವ್ ಮಾಗ್ತಾ.