ನವೆಂ ಶೈಕ್ಷಣಿಕ್ ವರಸ್ ಆರಂಭ್ ಜಾತಾನಾ.....

 ನವೆಂ ಶೈಕ್ಷಣಿಕ್ ವರಸ್ ಆರಂಭ್ ಜಾತಾನಾ ಭುರ್ಗ್ಯಾಂಕ್ ನವ್ಯಾ ಇಸ್ಕಾಲಾಂ ವಿಷ್ಯಾಂತ್ ದುಸ್ರಿಚ್ ಚಿಂತ್ಪಾಂ ಪ್ರವೇಶ್ ಜಾತಾತ್.  ಥೈಂ ಮ್ಹಾಕಾ ಚಡ್ ಅವ್ಕಾಸ್ ಮೆಳಾತ್? ಮೊಗಾಚ್ಯಾ ಇಷ್ಟಾಂಕ್ ಸೊಧ್ಚಾಂತ್ ಏಕ್ ಸಗ್ಳೊ ದೀಸ್ ಪಾಶಾರ್ ಜಾತಾ. ಏಕಾ ಖುಶಿನ್ ಭಾರಿಚ್ ಸಂತೊಸಾನ್ ವಿಭಾಡ್ ಕೆಲ್ಲೆ ರಜೆಚೆ ದೀಸ್, ಬೆಜಾರಾಯ್ ಭಗ್ತಾ ತರೀ... ವ್ಹಡಿಲಾಂಚಾ ಜತ್ನನ್ ತಶೆಂಚ್ ಒತ್ತಾಯೆನ್, ಪಾವ್ಸಾಚ್ಯಾ  ಆರಂಭಾರ್ ಉಪ್ಕಾರಾಕ್ ಪಡ್ಟೆ ಶಿಕಾಪ್ ಸುರು ಜಾತಾ....

    ಆಮ್ಚಿಂ ಚಡಾವತ್ ಭುರ್ಗಿಂ ಸರಕಾರಿ ಇಸ್ಕಾಲಾಕ್ ವಾ ಮಾದ್ರಿಂಚಾ ಇಸ್ಕಾಲಾಕ್ ವೆತಾತ್. ಆನಿಂ ಕುಟ್ಮಾಚೆ ಸ್ಥಿತಿ ಸಮ್ಜೊನ್ ಕೊಡ್ಯಾಳಾಂತ್ ನಾಂ ತರ್ ಪಯ್ಸ್ ಹೊಸ್ಟೆಲಾಂನಿಂ ವಸ್ತಿ ಕರುನ್ ಶಿಕಾಪ್ ಜೊಡ್ತಾತ್. ಕಿತೆಂಯ್ ಜಾಲ್ಯಾರೀ ಇಸ್ಕಾಲಾಂತ್ಲೆ ಶಿಕಾಪ್ ನೈಂ ಬಗಾರ್ ಆಮ್ಚೆಂ ಥೈಂ ಆಸ್ಲೊಲೆ ಮನೋಭಾವ್ ಹೆಂ ಸಕ್ಟಾಕ್ ಕಾರಣ್ ಜಾತಾ. 

    ದೀಸ್ ಪುರ್ತೊ ಕುಲಿಚೆ ಕಾಮ್ ಕರ್ಚಾ ಸಾಮಾನ್ಯ್ ಮನ್ಶ್ಯಾಂಕ್ ಆತಾಂ ಇಂಗ್ಲೀಷ್ ಮಾಧ್ಯಮಾಂತ್ ಭುರ್ಗ್ಯಾಂಕ್ ಶಿಕಾಪ್ ದೀಂವ್ಕ್ ಜಾಯ್. ವ್ಹಯ್ ತಾಣಿಂ ಚಿಂತ್ಚೆ ಸಮಾ.... ಕಿತೆಂ ತಾಂಚಾಂ ಭುರ್ಗ್ಯಾಂಕ್ ಬರೆಂ ಶಿಕಾಪ್ ದೀಂವ್ಕ್ ತಾಂಕಾ ಆವ್ಕಾಸ್ ನಾಂಗೀ? 

    ಸಾಂಗ್ಚೆಂ ಕಿತೆಂಗೀ ಮ್ಹಳ್ಯಾರ್ ಆಮ್ಚಾ ಸರ್ಕಾರಿ ಇಸ್ಕಲಾಂಚಿ ಸ್ಥಿತಿ ಆತಾಂ ಬರಿ ಜಾಲ್ಯಾ. ಹಾಚ್ಯಾವರ್ನಿಂ ಸಂಕಷ್ಟಾಂಚಿ ಸ್ಥಿತಿ ಜಾಂವ್ಕ್ ಪಾವ್ಲ್ಯಾ ಆಮ್ಚಾ ಭಂವ್ತಣಿಂ ಆಸ್ಲೆಲ್ಯಾ ಅನುದಾನಿತ್ ಆನಿಂ ಅನನುದಾನಿತ್ ಇಸ್ಕಾಲಾಂ. ವಿಶೇಷ್ ಕಿತೆಂಗೀ ಮ್ಹಳ್ಯಾರ್ ಸರ್ಕಾರಿ ಇಸ್ಕಾಲಾಂ ಸಬಾರ್ ಸವ್ಲತ್ಯೊ ಜೊಡನ್ ಘೆತಾಂ. ಹಾಕಾ ಏಕ್ ಉದಾಹರಣ್ ಆಮ್ಚಾ ವಠಾರಾಂತ್ ಸಬಾರ್ ಶಿಕ್ಪಾ ತಶೆಂ ಶಿಕ್ಪಾ ಇತರ್ ವಿಷಯಾಂಚೆರ್ ಉಂಚ್ಲ್ಯಾ ಹಂತಾರ್ ಆಸ್ಚ್ಯಾ ಜಿ.ಯು.ಪಿ.ಎಸ್ ಕೂಟ್ಟಕ್ಕಣಿ ಇತರ್ ಇಸ್ಕಾಲಾಂಕ್ ಏಕ್ ಮೇಲ್ಪಂಕ್ತ್ ಜಾವ್ನಾಸಾ. 

 

     ಆಜ್ ಇಸ್ಕಾಲಾಕ್ ವೊಚೊಂಕ್ ಭುರ್ಗ್ಯಾಂಕ್ ಸರ್ಕಾರ್ ಸಬಾರ್ ರೀತಿನ್ ಪ್ರೋತ್ಸಾಹ್ ದೀತಾ. ಸರ್ಕಾರಿ ತಶೆಂ ಅನುದಾನಿತ್ ಇಸ್ಕಾಲಾಂತ್ ಶಿಕ್ಚ್ಯಾ ಭುರ್ಗ್ಯಾಂಕ್ ದೊನ್ಪಾರಾಂಚೆಂ ಜೆವಾಣ್,ಯುನಿಫಾರಂ, ಆಟ್ವಿ ಕ್ಲಾಸಿ ಪರ್ಯಾಂತ್ ಧರ್ಮಾರ್ಥ್ ಬೂಕ್ ಒದಗ್ಸುನ್ ದಿತಾ. RTE act ಪ್ರಕಾರ್ ಸಕ್ಟಡ್ ಭುರ್ಗ್ಯಾಂಕ್ ಧಾವಿಂ ಕ್ಲಾಸಿ ಮ್ಙಣಾಸರ್ ಧರ್ಮಾರ್ಥ್ ಶಿಕ್ಷಣ್ ದೀಜಯ್. ತಾಕಾ ಸರಿ ಜಾಲ್ಲಿ ಭೌತಿಕ್ ಸವ್ಲತಾಯ್ ಕರಿಜಯ್. ಆತಾಂ ಜಾಲ್ಯಾರ್ ಇಸ್ಕಾಲಾಂ ಚಡ್ಲ್ಯಾತ್ ಬಗಾರ್ ಭುರ್ಗಿಂ ಉಣಿಂ ಜಾಲ್ಯಾಂತ್. ಫಕತ್ ಏಕಾ ಭುರ್ಗ್ಯಾಕ್ ಶಿಕಾಪ್ ದೀಂವ್ಕ್ 4ಜಣ್ ಶಿಕ್ಷಕ್ ಆಸ್ಲೆ ಉದಾಹರಣ್ ಆಮ್ಕಾಂ ಮೆಳ್ತಾಂ. ಕಿತೆಂಪಣಿಂ ಉಣೆಪಣ್ ಹ್ಯಾ ಇಸ್ಕಾಲಾಂನಿಂ ಆಸಾಗೀ, ಹ್ಯಾ ಇಸ್ಕಾಲಾಂನಿಂ ವಿದ್ಯಾದಾನ್ ದಿಂವ್ಚೆಂ ಸಬಾರ್ ಶಿಕ್ಷಕ್ ಉಂಚ್ಲ್ಯಾ ಮಟ್ಟಾರ್ ಅಂಕ್ ಘೆವುನ್ ಪಿ.ಎಸ್.ಸಿ ಪರೀಕ್ಸೆಕ್ ಹಾಜರ್ ಜಾವುನ್ ಉತ್ತೀರ್ಣ್ ಜಾಲ್ಲೆ ಜಾವ್ನಾಸಾತ್. ಕಿತೆಂಯೀ ಮುಕ್ಲ್ಯಾ ಪಿಳ್ಕೆಕ್ ಭಾಂಧುನ್ ಹಾಡ್ಚೆಂ ಕಾಮ್ ಶಿಕ್ಷಕಾಂಚೆಂ ಜಾವ್ನಾಸಾ.

    ಸಮಕಾಲೀನ್ ಭುರ್ಗಿಂ ಮೊಬಯ್ಲ್ ತಶೆಂ ಇಂಟರ್ನೆಟ್ಟಾಚಾ ಸಬಾರ್ ಸಂಪರ್ಕ್ ಮಾಧ್ಯಮಾಕ್ ಬಲಿ ಜಾತಾ. ಮೊಬಯ್ಲ್ ಏಕ್ ಸಮರ್ಥ್ ಕಮ್ಯುನಿಕೇಶನ್ ಆನಿಂ ಸಂಪರ್ಕ್ ಮಾಧ್ಯಮ್ ತಾಚೆಂ ಬರೆಂ ಉಪಯೋಗ್ ಕೆಲ್ಯಾರ್ ಜೀವಾಕ್ ಬರೆಂ. ಆತಾಂ ಚಲ್ಚ್ಯಾ ಸಬಾರ್ ಕ್ರಿಮಿನಲ್ ಕಾಮಾನಿಂ 99% ಮೊಬಯ್ಲ್ ಆನಿಂ ಸಂಪರ್ಕ್ ಮಾಧ್ಯಮಾಂಚೊ  ಹಾತ್ ಆಸಾ ಮ್ಹೊಣೊನ್ ಕಳೊನ್ ಆಯ್ಲಾ. ತ್ಯಾ ದೆಕುನ್ ವ್ಹಡೀಲಾಂನಿಂ ಭುರ್ಗ್ಯಾಂಕ್ ಹ್ಯಾ ಸಬಾರ್ ಸಂಗ್ತೆನ್ ವೆಗ್ಳೆ ಕರುಂಕ್ ಪ್ರಯತನ್ ಕರಿಜಯ್. ಕಿತೆಂ ಜಾಯ್ ಜಾಲ್ಲೆ ದೀಜಯ್, ಜಾಯ್ ಪುರ್ತೆ ದೀಂವ್ಕ್ ವಚಾನಾಕಾತ್. 

    ಭಾರತಾಂತ್ ಕೇರಳಾಚಾ ಶಿಕ್ಪಾಕ್ ಉಂಚ್ಲೆಂ ಸ್ಥಾನ್ ಆಸಾ. ತೆಂ ಆಮ್ಕಾಂ ಕಳಿತ್ ಆಸಾ. ಏಕಾ ಸೊದ್ನೆ ಪ್ರಕಾರ್ ಕೇರಳಾಚೆಂ ಪ್ರಾಥಮಿಕ್ ತಶೆಂ ಹೈಸ್ಕೂಲ್ ಶಿಕಾಪ್ ಭಾರತಾಂತ್ ತಶೆಂ ಸಂಸಾರಾಕ್ ಮೇಲ್ಪಂಕ್ತ್ ಜಾವ್ನಾಸಾ. ಬರೀ ಶಿಕ್ಷಕಾಂಚೆಂ ಪ್ರಯತನ್ ಹಾಂಗಾ ಪಳೆಂವ್ಕ್ ಮೆಳ್ತಾ. ದಾಕ್ಲ್ಯಾಕ್ ಆಮ್ಚೆ ಐ.ಟಿ ಶಿಕಾಪ್ ಕೈಂ ಇತರ್ ರಾಜ್ಯಾನಿಂ ಪಳೆಂವ್ಕ್ ಮೆಳ್ನಾ. ಭಾರತಾಂತ್ ಓಪನ್ ಸೋರ್ಸ್ ಸೋಫ್ಟವೇರಾಂತ್ ಶಿಕಾಪ್ ದಿಂವ್ಚೆಂ ಏಕ್ ಮಾತ್ರ್ ರಾಜ್ಯ್ ಕೇರಳ ಜಾವ್ನಾಸಾ. ಐ.ಟಿ@ಸ್ಕೂಲ್ ಪ್ರೋಜೆಕ್ಟ್ ಮ್ಹಳ್ಳೊ ಸಂಸ್ಥೊ ಹಾಚಿ ಜವಾಬ್ದಾರಿ ಘೆತಾ. ಹೈಸ್ಕೂಲ್ ಹಂತಾರ್ ಐ.ಟಿ ಏಕ್ ವಿಷಯ್ ಜಾವ್ನ್ ಭುರ್ಗ್ಯಾಂಕ್ ಪರಿಚಯ್ ಜಾಲ್ಯಾ. ಹೊ ಸರ್ಕಾರ್ ಏಕಾಏಕಿ ಪ್ರಾಥಮಿಕ್ ಹಂತಾರ್ ಹಾಡುಂಕ್ ಪಳೆತಾ. ತ್ಯಾ ದೆಕುನ್ ಸಕ್ಕಡ್ ಇಸ್ಕಾಲಾಂನಿಂ ಕಂಪ್ಯೂಟರ್ ಬೇಸಿಕ್ ಫೆಸಿಲಿಟಿ ಆಸಾಜಯ್ ಮ್ಹಣ್ತಾ. ಉಣ್ಯಾನ್ 5 ಕಂಪ್ಯೂಟರಾಂ ನಾತ್ಲೆಲಿ ಇಸ್ಕಾಲಾಂ ಭಾರಿಚ್ ಉಣಿಂ. ಹೈಸ್ಕೂಲಾನಿಂ ಇಂಟರ್ನೆಟ್ ಅನುಕೂಲತಾ ಕೆಲ್ಯಾ ತಶೆಂಚ್ ಥೊಡ್ಯಾ ಪ್ರೈಮರಿ ಇಸ್ಕಾಲಾಂಕ್ ಲೋಕಲ್ ಬೋಡಿ(ಪಂಚಾಯತ್)ಹಾಚಿ ಸವ್ಲತಾಯ್ ಕರುನ್ ದಿತಾ. 

    2001 ಇಸ್ವೆಂತ್ ಪ್ರೊ|ಯು.ಆರ್.ರಾವ್ ಆದ್ಲೊ ಇಸ್ರೋ ಅಧ್ಯಕ್ಷಾಚಾ ಮುಖೇಲ್ಪಣಾರ್ ಏಕ್ ರಿಪೋರ್ಟ್ ತಯಾರ್ ಕೆಲ್ಲ್ಯಾಚೆ ಪ್ರತಿಫಳ್ ಆಮಿಂ ಜೊಡುನ್ ಆಸಾಂವ್. ಹ್ಯಾ ವರ್ದೆಚೊ ಸಾರಾಂಶ್ ಅಸೊ ಜಾವ್ನಾಸಾ. 2010 ಜಾತಾನಾ ಸಕ್ಕಡ್ ಇಸ್ಕಾಲಾಂನಿಂ ಕಂಪ್ಯೂಟರ್ ತಶೆಂ ಪ್ರಾಥಮಿಕ್ ಸವ್ಲತಾಯೊ ಆಸೊಂಕ್ ಜಾಯ್, ಹರ್ಯೆಕ್ ವಿಷಯ್ ಕಂಪ್ಯೂಟರ್ ಆಧಾರಿತ್ ಜಾವುನ್ ಶಿಕೊಂಕ್ ಜಾಯ್, ಹೆಂ ಸಾಂಗ್ತಾನಾ ಸಮಸ್ಯೆ ಉಬ್ಜಲೆಂ ಕೊಣಾಕ್ ಕಂಪ್ಯೂಟರ್? ಖೈಂ ಥಾವುನ್ ಒದಗ್ಸುಂಚೆಂ? ಕೋಣ್? ಹ್ಯಾ ಸವಾಲಾಂಕ್ ಜಾಪಿ ಜಾವುನ್ ಉದೆವ್ನ್ ಆಯ್ಲೆ ಜಾವ್ನಾಸಾ IT@School Project ಕಶೆಂ ಕರ್ನಾಟಾಕಾಂತ್ ಮಾಹಿತಿ ಸಿಂಧು ಮ್ಹಳ್ಳೆ ಏಜನ್ಸಿ ರೂಪಿತ್ ಕೆಲಿಗೀ? ಕೇರಳಾಂತ್ ಸಾಮರ್ಥಿವಂತ್ ಶಿಕ್ಷಕಾಂಚೆಂ ಏಕ್ ಗ್ರೂಪ್ ತಯಾರ್ ಕೆಲೆಂ. ಆಜ್ ಹೆಂ ಗ್ರೂಪ್ ವಾಡ್ಲಾ . ಇಸ್ಕಾಲಾಚೆ ಇ-ಗವರ್ನೆನ್ಸ್ ಚಲಯ್ತಾ. ಹ್ಯಾ ಸಂಸ್ಥೊ ಶಿಕ್ಷಕಾಂಕ್ ಜಾಯ್ ಪುರ್ತೆ ಟ್ರೈನಿಂಗ್ ದಿತಾ. ಹೆಂ ಪ್ರೋಜೆಕ್ಟ್ ಆಟ್ವಿ, ನವಿಂ, ಧಾವಿಂ ಕ್ಲಾಸಿಕ್ ಶಿಕಂವ್ಚಾ ಶಿಕ್ಷಕಾಂಕ್ ತಾಂಣಿಂ ತಾಂಚೊ ವಿಷಯ್ ಗಣಿತ್,ಸಮಾಜ್ ಶಾಸ್ತ್ರ್ ಜಾಂವ್ದಿಂ, ಕನ್ನಡ್, ಹಿಂದಿ, ಇಂಗ್ಲೀಷ್ ತಶೆಂ ಭಾಷೆಕ್ ಕಂಪ್ಯೂಟರ್ ಉಪ್ಯೋಗ್ ಕರುಂಕ್ ತರ್ಭೆತಿ ದಿತಾ. ಕಂಪ್ಯೂಟರ್ ಪರಿಜ್ಞಾನ್ ನಾತ್ಲೊಲೊ ಕೊಣಿ ಆತಾಂ ನಾಂತ್ ಮ್ಹಳ್ಳೆ ಹ್ಯಾ ಪ್ರೋಜೆಕ್ಟಾಕ್ ಅಭಿಮಾನಾಚೆ ಜಾವ್ನಾಸಾ. 

   ಸರ್ಕಾರಾನ್ ಹ್ಯಾ ಪಾವ್ಟಿಂ ಆಟ್ವಿ ಕ್ಲಾಸಿಂತ್ ಆಸ್ಲೆಲ್ಯಾ ಭುರ್ಗ್ಯಾಂಕ್ ಟ್ಯಾಬ್ಲೆಟ್ ಪಿ.ಸಿ ದೀಂವ್ಕ್ ಆಲೋಚನ್ ಕೆಲ್ಯಾ. ಆನಿಂ ಮುಕ್ಲ್ಯಾ ವರ್ಸಾನಿಂ ಹೆಂ ಸಕ್ಕಡ್ ಭುರ್ಗ್ಯಾಂಕ್ ವಿಸ್ತಾರಾಂವ್ಕ್ ಆಲೋಚನ್ ಜಾವ್ನಾಸಾ. ಹ್ಯಾ ಸರ್ವ್ ಸಂಗ್ತೆಂಕ್ ದುಡು ಕೊಣಾಚೊ? ಕೇಂದ್ರ್ ಸರ್ಕಾರ್ ಒದಗ್ಸಿತಾ. 

    ಕಿತೆಂಯಿ ಜಾಂವ್ದಿಂ ಆಮ್ಚಿ ಭುರ್ಗ್ಯಾಂಕ್ ಬರೆಂ ಮೌಲ್ಯಾಧರಿತ್ ಶಿಕ್ಷಣ್ ಲಾಬಾಜಯ್. ಹಾಕಾ ಸರ್ಕಾರಾ ಸಂಗಿಂ, ಶಿಕ್ಷಕಾಂ ಸಂಗಿಂ ಆಮಿಂ ಸರ್ವ್ ವ್ಹಡಿಲಾಂ ಜಾವ್ನಾಸ್ಲೆಲ್ಯಾ ರಕ್ಷಕಾಂನಿಂ ಭುರ್ಗ್ಯಾಂಚ್ಯಾ ಶಿಕ್ಪಾಖಾತಿರ್ ಖಮರ್ ಭಾಂಧಿಜಯ್.....

ನವ್ಯಾನ್ ಇಸ್ಕಾಲಾಕ್ ಭರ್ತಿ ಜಾಲ್ಲ್ಯಾ ಭುರ್ಗ್ಯಾಂಕ್ ಬರೆಂ ಮಾಗೊನ್.....