ಪ್ರಿಮೆಟ್ರಿಕ್ ಅಲ್ಪಸಂಖ್ಯಾತ್ ಸ್ಕೋಲರ್ ಶಿಪ್

ಪ್ರಿಮೆಟ್ರಿಕ್ (ಅಲ್ಪಸಂಖ್ಯಾತ್) ಸ್ಕೋಲರ್ ಶಿಪ್ಪಾಚೆ ಎಪ್ಲಿಕೇಶನ್ ಫೋರ್ಮ್ ಭರ್ತಿ ಕರ್ಚ್ಯಾವಿಶ್ಯಾಂತ್

ಸೂಚನ್: ಪ್ರಿಮೆಟ್ರಿಕ್ ಸ್ಕೋಲರ್ ಶಿಪ್ ಅರ್ಜಿ ಘಾಲ್ತಾನಾ 12 ಸಂಖೆ ಆಸ್ಲೆಲೆ ಆಧಾರ್ UID ನಂಬರ್ ಖಡ್ಡಾಯ್ ಕೆಲಾ. ರಾಷ್ಟ್ಱೀಕೃತ್ ಬ್ಯಾಂಕಾ ಥಾವುನ್ ಭುರ್ಗ್ಯಾಚ್ಯಾ ನಾಂವಾರ್ ಎಕೌಂಟ್ ಉಗ್ತಾವನ್ ಕರಿಜಯ್. ಪರೀಕ್ಷೆಂತ್ 50% ಮಾರ್ಕ್ ಖಡ್ಡಾಯ್ ಆಸೊಂಕ್ ಜಾಯ್. ವಾರ್ಷಿಕ್ ಕುಟ್ಮಾಚೊ ಆದಾಯ್ 1,00,000 ಮ್ಹಣಾಸರ್ ಆಸ್ಲೆಲ್ಯಾಂಕ್ ಅರ್ಜಿ ಘಾಲುಂಕ್ ಆವ್ಕಾಸ್ ಆಸಾ.

ಪರಿಷ್ಕ್ರತ್ ಸರ್ಕಾರಿ ಸರ್ಕುಲರ್ :  

1. ರಿನ್ಯುವಲ್ ವಿಭಾಗಾಂ ಥಾವುನ್ ಅರ್ಜಿ ಘಾಲ್ತಾನಾ  ಫೋರ್ಮಾನಿಂ ರಾಷ್ಟ್ರೀಕೃತ್ ಬೇಂಕಾ ಥಾವುನ್ ವಾ ಭುರ್ಗ್ಯಾಚ್ಯಾ,ಯಾ ಭುರ್ಗ್ಯಾಂಚಾ ಆನಿಂ ಪೋಷಕಾಂಚಾ ಸಂಯುಕ್ತ್ ನಾಂವಾನ್(joint account) ಆಸಾ ಕೆಲ್ಲೆ ಎಕೌಂಟ್ ನಂಬರ್ ದಾಖಲ್ ಕರಿಜಯ್.
2.  ಫ್ರೆಶ್(ನವೆಂ) ಅರ್ಜಿ ದಾಖಲ್ ಕರ್ಚಾ ಸಂದರ್ಭಾರ್ ಬೇಂಕ್ ಎಕೌಂಟ್ ಉಗ್ತಾವಣ್ ಕರ್ತಾನಾ ನಂಬರ್ ಘಾಲ್ಚಿ ಗರ್ಜ್ ನಾಂ. ಎದೊಳ್ ರಾಷ್ಟ್ರೀಕೃತ್ ಬೇಂಕಾ ಥಾವುನ್ ನಂಬರ್ ಮೆಳ್ಳಾ ತರ್ ಘಾಲ್ಯಾರ್ ಪುರೊ. ನಾಂ ತರ್ ಎಕಾದಾ ವೆಳಾರ್ ಸ್ಕೋಲರ್ ಶಿಪ್ ಐವಜ್ ಮೆಳ್ತಾ ತರ್  ಬೇಂಕ್ ಎಕೌಂಟ್ ಪಾವಿತ್ ಕೆಲ್ಯಾರ್ ಪುರೊ.
3. ರಿನ್ಯುವಲ್, ಫ್ರೆಶ್ ವಿಭಾಗಾಂನೀಂ ಅಪೇಕ್ಷಿತಾಲ್ಯಾಂಕ್ ಎದೊಳ್ ಚ್ ಆಧಾರ್/ಯು.ಐ.ಡಿ/ಇ.ಐ.ಡಿ ನಂಬರ್ ಮೆಳ್ಳಾ ತರ್ ತೆಂ ಅರ್ಜಿ ಫೋರ್ಮಾನಿಂ ದಾಖಲ್ ಕರಿಜಯ್.

 

1. ಸರ್ಕಾರಿ, ಏಯಿಡೆಡ್,ಅನ್ ಏಯಿಡೆಡ್(ಅಂಗೀಕೃತ್ ಎಫಿಲಿಯೇಶನ್) ಆಸ್ಲೆಲೆ CBSE,ICSE ಇಸ್ಕಾಲಾಂನಿಂ 1 ಥಾವುನ್ 10 ಕ್ಲಾಸಿ ಮ್ಹಣಾಸರ್ ಶಿಕ್ತೆಲ್ಯ್ಯಾ ಕ್ರೀಸ್ತಾಂವ್, ಮುಸ್ಲಿಂ, ಬೌಧ್, ಪಾರ್ಸಿ ಧರ್ಮಾಚಾ ಭುರ್ಗ್ಯಾಂಕ್ ಪ್ರೀ-ಮೆಟ್ರಿಕ್ ಸ್ಕೋಲರ್ ಶಿಪ್(ಅಲ್ಪಸಂಖ್ಯಾತ್) ಯೋಜನಾ ಪ್ರಕಾರ್ ಅರ್ಜ್ಯೊ ಸಮರ್ಪುಂಕ್ ಆವ್ಕಾಸ್ ಆಸಾ.
2. ಪೆಲ್ಯಾವರ್ಸಾ ಪ್ರೀ-ಮೆಟ್ರಿಕ್ Scholarship ಕ್ ಅರ್ಜ್ಯೊ ದಿಲ್ಲಾಂಕ್ 2013-14ವ್ಯಾ ವರ್ಸಾಅರ್ಜ್ಯೊ ಸಮರ್ಪುಂಕ್ ಆವ್ಕಾಸ್ ಆಸಾ.
3. 2013-14 ಪ್ರಿಮೆಟ್ರಿಕ್ (ಅಲ್ಪಸಂಖ್ಯಾತ್) ಸ್ಕೋಲರ್ ಶಿಪ್ಪಾಚೆ ಎಪ್ಲಿಕೇಶನ್ ಫೋರ್ಮ್ www.education.kerala.gov.in, www.scholarship.itschool.gov.in ಮ್ಹಳ್ಳ್ಯಾ ಸೈಟ್ಯಾನಿಂ ಡೌನ್ ಲೋಡ್ ಕರ್ಯೆತಾ. N2/22494/13/DPI ನಂಬರ್ ಆಸ್ಲೆಲ್ಲ್ಯಾ ಅರ್ಜ್ಯೊ ಫೋರ್ಮಾನಿಂ ಮಾತ್ರ್ ಭರ್ತಿ ಕರುಂಕ್ ಜಾಯ್.
4. ಅರ್ಜ್ಯೊ ಭರ್ತಿ ಕರ್ಚಾ ಪಯ್ಲೆ ಥೈಂ ಆಸ್ಲೆಲಿಂ ಸೂಚನಾಂ ಗುಮಾನ್ ದೀವ್ನ್ ವಾಚುಂಕ್ ಜಾಯ್.
5. ಪೆಲ್ಯಾ ವರ್ಸಾ ಪ್ರೀ-ಮೆಟ್ರಿಕ್ Scholarship ಕ್ (ಅಲ್ಪಸಂಖ್ಯಾತ್) ವಿಭಾಗಾಂತ್ ಪಯ್ಶೆ ಮೆಳ್ಳೆಲ್ಯಾ ಭುರ್ಗ್ಯಾಂನಿಂ ಖಡ್ಡಾಯ್ ಜಾವ್ನ್ ಅರ್ಜೆಂತ್ ಆಸ್ಲೆಲ್ಯಾ RENEWAL ಕೋಲಾಮಾಂತ್ ಮಾರ್ಕ್ ಕರಿಜಯ್.
6. ಅರ್ಜ್ಯೊ ಭರ್ತಿ ಕರುಂಕ್ ಶಿಕ್ಷಕಾಂಚೊ ತಶೆಂ ಮುಖ್ಯಶಿಕ್ಷಕಾಚೊ ಸಹಾಯ್ ವಾಪಾರುಂಕ್ ಜಾಯ್.
7. ಅರ್ಜೆಂತ್ ಪಾರ್ಟ್ 1 ಭರ್ತಿ ಕರುನ್ ಸ್ವಂತ್ ದಸ್ಕತ್ ಕೆಲ್ಲ್ಯಾ ಪಾಸ್ ಪೋರ್ಟ್ ಸೈಜ್ ಫೋಟೋ ಲಗ್ತಿ ಕರುನ್, ರಕ್ಷಕಾಂಚೆಂ ವಾರ್ಷಿಕ್ ವರಮಾನ್(ಸ್ವಂತ್ ಆದಾಯ್ ಆಸ್ಲೆಲ್ಯಾಂನಿಂ ಸ್ವಂತ್ ಸಾಕ್ಸ್ ಜಾವುನ್ ದಸ್ಕತ್ ಘಾಲ್ಲಿ ಸತ್ಯಪ್ರಸ್ತಾವನ್ , ಉದ್ಯೋಗ್ ಆಸ್ಲೆಲ್ಯಾಂನಿಂ ಆಪ್ಣಾಂಚ್ಯಾ ಉದ್ಯೋಗ್ ಸಂಸ್ಥ್ಯಾನಿಂ ಮೆಳ್ಚಿ ಸರ್ಟಿಫಿಕೇಟ್ ದವರ್ಯೆತ್ ವಿಲ್ಲೇಜ್ ಆಫೀಸರಾಚಿ ಸರ್ಟಿಫಿಕೇಟಾಚಿ ಗರ್ಜ್ ನಾಂ.) ಭುರ್ಗ್ಯಾಂಚೆಂ ಧರ್ಮ್ ಕಳಿತ್ ಕರುಂಕ್ ಸ್ವಂತ್ ತಾಯಾರ್ ಕೆಲ್ಲ್ಯಾ ಸತ್ಯಪ್ರಸ್ತಾವನಾಚಾ ಸಾಂಗಾತಾ ದಸ್ಕತ್ ಘಾಲ್ನ್ ಸಂಬಂಧಿತ್ ಇಸ್ಕಾಲಾಚಾ ವ್ಹಡಿಲಾಂಕ್ ನಿಶ್ಚಿತ್ ತಾರೀಕೆ ಭಿತರ್ ಸಮರ್ಪುಂಕ್ ಜಾಯ್(ಸತ್ಯಪ್ರಸ್ತಾವನಾಕ್ ಸ್ವಂತ್ ದಸ್ಕತ್ ಘಾಲ್ಯಾರ್ ಪುರೊ. ಸ್ಟಾಂಪ್ ಪೇಪರಾಚಿ ಗರ್ಜ್ ನಾಂ)
8. ಇಸ್ಕಾಲಾಚಾ ಡೊಕ್ಯುಮೆಂಟಾನಿ ಆಸ್ಲೆಲಿ ಜಲ್ಮಾ ತಾರೀಕ್ ಅರ್ಜೆಂತ್ ದಾಖಲಿತ್ ಕರಿಜಯ್(ಗರ್ಜ್ ಆಸ್ಲ್ಯಾರ್ ಶಿಕ್ಷಕಾಂಚೆಂ ಸಹಾಯ್ ಮಾಗ್ಯೆತಾ)
9. ಅರ್ಜೆ ಫೋರ್ಮಾನಿಂ ಭುರ್ಗ್ಯಾಂನಿಂ ಖಡ್ಡಾಯ್ ಜಾವ್ನ್ ದಸ್ಕತ್ ಘಾಲಿಜಯ್. 1 ಕ್ಲಾಸಿ ಥಾವುನ್ 5 ಪರ್ಯಾಂತ್ ಶಿಕ್ಚ್ಯಾ ಭುರ್ಗ್ಯಾಂಚ್ಯಾ ರಕ್ಷಾಕಾನಿಂ ಅರ್ಜೆ ಫೋರ್ಮಾನಿಂ ದಸ್ಕತ್ ಘಾಲಿಜಯ್.
10. ಅರ್ಜೆ ಭರ್ತಿ ಕರುನ್ ಸ್ವೀಕರ್ ಕರ್ಚಿ ಅಕ್ರೇಚಿ ತಾರೀಕ್ 31.07.2013 ಜಾವ್ನಾಸಾ.
11. ಅಪೂರ್ಣ್ ಆಸ್ಚ್ಯಾ ಆಕ್ರೇಚ್ಯಾ ತಾರೀಕೆ ಉಪ್ರಾಂತ್ ಮೆಳ್ಚಾ ಅರ್ಜೆ ಫೋರ್ಮಾಂಕ್ ಪರಿಗಣನ್ ಮೆಳ್ಚೆ ನಾಂ.