ಪ್ರಾಮಾಣಿಕ್ ವಾವ್ರಾಡಿ ಆನಿಂ ಪೋಲೀಸ್ ಅಧಿಕಾರಿ ಶ್ರೀ ಸುರೇಂದ್ರನ್ (ಐ.ಪಿ.ಎಸ್) ಕೊಲ್ಲಂ ಜಿಲ್ಲ್ಯಾಕ್ ವರ್ಗಾವಣ್

    

    ಶಿಕ್ಷಣ್ ಕ್ಷೇತ್ರಾಕ್ ಏಕ್ ಮೇಲ್ಪಂಕ್ತ್ ಜಾಲ್ಲೊ ಎದೊಳ್ ಮ್ಹಣಾಸರ್ ಚಿಂತುಂಕ್ ಅಸಾಧ್ಯ ಜಾಲ್ಲೆ ಕಾಮ್ ಆಸಾ ಕೆಲ್ಲೊ ಪೋಲೀಸ್ ಅಧಿಕಾರಿ ಕಾಸರಗೋಡ್ ಜಿಲ್ಲ್ಯೆಚೊ ಎಸ್.ಪಿ ಶ್ರೀ ಸುರೇಂದ್ರನ್ ಕೆ ಹಾಕಾ ಕೊಲ್ಲಂ ಜಿಲ್ಲ್ಯಾಕ್ 03-07-2013 ಕ್ ವರ್ಗಾವಣ್ ಕೆಲೊ. 2012 ಜನವರಿಂತ್ ಅಧಿಕಾರ್ ಸ್ವೀಕಾರ್ ಕೆಲ್ಲೊ ಹೊ ಪೋಲೀಸ್ ಅಧಿಕಾರಿನ್ ಏಕ್ ಭಾರೀಕ್ ಆಶಾಂತ್ ಪ್ರದೇಶ್, ಕೋಮು ಭಾವನ್ ಆಸ್ಲೊ ಜಾಗೊ ಮ್ಹಣೊನ್ ನಾಂವಾಡ್ದಿಕ್ ಜಾಲ್ಲ್ಯಾ ಕಾಸಗೋಡಾಂತ್ ಏಕ್ ಕ್ರಾಂತಿ ಉಬ್ಜಾಶಿ ಕೆಲ್ಲಿ. ತಾಚಾ ಆಧಿಕಾರಾಚಾ ಕಾಳಾರ್ ಏಕ್ ಪುಣೀ ಹರತಾಳ್ ನಾತ್ಲೆ ಆಜಾಪ್ ತಶೆಂ ಭಗ್ತಾ. 

      ಹೊ ಅಧಿಕಾರಿ ಕಿತ್ಲೊ ಶಾಣೊ ಆನಿಂ ಭುದ್ವಂತ್ ಮ್ಹಳ್ಯಾರ್ ತಾಚಾಚ್ ಉತ್ರಾನ್ "ಹಾಂವೆಂ ಕಿತೆಂಯಿ ಕರುಂಕ್ ನಾಂ ರೌಡಿಂಚಿ ಏಕ್ ಲಿಸ್ಟ್ ಕೆಲಿಂ ಆನಿಂ ನಿರಂತರ್ ತಾಂಚಾ ಘರಾಂನಿಂ ತಾಂಚೊ ಪಾಟ್ಲಾವ್ ಕರುನ್ ತಾಂಕಾ ಗಾಂವಾಂತ್ ರಾವಾನಾಶೆಂ ತುಕ್ಲಾಯ್ಲೆ. ತಶೆಂಚ್ ಸುಮಾರ್ ಅಡೇಸ್ ಹಜಾರ್ ಜಣ್ ಆಜ್ ಹರಾತಾಳಾಕ್ ಆನಿಂ ಗಾಂವಾಂತ್ ಮಾರೇಕರ್ ಜಾವ್ನಸ್ಚೆ ಮನಿಸ್ ಶಾಂತ್ ಜಾಲ್ಯಾತ್. ನಾಂ ತರ್ ಗಾಂವಾಂತ್ ನಾಂತ್ ಬಾಯ್ಲ್ಯಾ ಗಾಂವಾಂನಿಂ ಕಾಮ್ ಕರ್ತಾತ್. ತಶೆಂ ಜಾಲ್ಲ್ಯಾನ್ ಕಾಸರಗೋಡ್ ಆಜ್ ಶಾಂತ್ ಜಾಲಾ." 

 

      ಶ್ರೀ ಸುರೇಂದ್ರನಾಚಿ ಪ್ರತ್ಯೇಕತಾ ಮ್ಹಳ್ಯಾರ್ ಪೋಲೀಸ್ ಆಧಿಕಾರಿಚಾಂನಿಂ ವಯ್ಲೆ ಆನಿಂ ಪಯ್ಲೆ ಕಾಮ್ ತಾಣೆಂ ಕೆಲೆಂ. ಇಸ್ಕಾಲಾಚಾ ಭುರ್ಗ್ಯಾಂಕ್ ತಾಚಾ ಮುಖೇಲ್ಪಣಾರ್ ಏಕ್ ಪ್ರೋಜೆಕ್ಟ್ ತಯಾರ್ ಕರುನ್, ಶಾಂತ್ ರೀತಿನ್ ಮುಂದರಿಲೆ. ತೆಂ ಜಾವ್ನಾಸಾ "ಪೊನ್ ಪುಲರಿ" ಹೆಂ ಕಾಮ್ ನಿಜಾಯ್ಕಿ ಶಿಕ್ಷಣ್ ಅಧಿಕಾರಿನ್ ನಾಂ ತರ್ ವಿದ್ಯಾಭ್ಯಾಸಾಕ್ ಸಂಬಂಧ್ ಜಾಲ್ಲ್ಯಾ ವ್ಯಕ್ತಿನ್ ಕರ್ಚೆ ಜಾವ್ನಾಸಾ. ಜಾಲ್ಯಾರೀ ಏಕ್ ಪ್ರಮುಖ್ ಪೋಲೀಸ್ ಅಧಿಕಾರಿನ್ ಹೆಂ ಪ್ರೋಜೆಕ್ಟ್ ಹಾತಾಕ್ ಘೆವ್ನ್ ಭುರ್ಗ್ಯಾಂಕ್ ತಾಚಾ ಫುಡಾರಾಕ್ ತಶೆಂಚ್ ಸಾಮಾಜಿಕ್ ರೀತಿನ್ ಜಿಯೆಂವ್ಚಾಂತ್ ತರ್ಬೆತಿ ಮೆಳ್ಛಾಕ್ ಮೇಟ್ ಹಾಣೆಂ ಘೆತ್ಲೆ ಮ್ಹಣ್ಚಾಕ್ ಸಬಾರ್ ಪತ್ರಾಂನಿಂ ಹಾಕಾ ಮಾನ್ಯತಾ ಮೆಳ್ಳಿ. ಪತ್ರಾಂನಿಂ ಪ್ರಚಾರ್ ಮೆಳೊಂಕ್ ನಾಂ ತರೀ ತಾಣಿಂ "A Silent Revolution" ಹಾಕಾ ವೊಲಾಯ್ಲೆ.  ಆಜ್ ಹೊ ಅಧಿಕಾರಿನ್ ಪ್ರಯೋಗಾತ್ಮಕ್ ರೀತಿನ್ ಕೆಲ್ಲೆ ಹೆಂ ಪ್ರೋಜೆಕ್ಟ್ ಆಮ್ಚಾ ಕೇರಳಾಕ್ ಮೇಲ್ಪಂಕ್ ಜಾಲಾ. ಸರಕಾರಾನ್ ಪೊನ್ ಪುಲರಿ ಪ್ರೋಜೆಕ್ಟ್ ಮಾನುನ್ ಘೆತ್ಲಾ ಮೊಣೊನ್ ಕಳಿತ್ ಜಾಲಾ. ಅಸಲ್ಯಾ ಪ್ರಾಮಾಣಿಕ್ ವ್ಯಕ್ತಿಕ್ ಆಮ್ಚೊ ಪ್ರಣಾಮ್. ಪೊನ್ ಪುಲರಿಚಾ ತರ್ಫೆನ್ ತಾಕಾ ಆದೇವ್ಸ್ ಮಾಗ್ತಾನಾ ಆಸಾ ಕಲ್ಲ್ಯಾ ಕಾರ್ಯಾಚೆ ತಸ್ವೀರೊ ಹಾಂಗಾ ದೀಂವ್ಕ್ ಆಶೆತಾಂ. ಹ್ಯಾ ಕಾರ್ಯಾಂತ್ ಶ್ರೀಕಷ್ಣ ಅಗ್ಗಿತ್ತಾಯ ಡಿ.ಡಿ.ಇ ಆನಿಂ ಡಯೆಟ್ ಪ್ರಿನ್ಸಿಪಾಲ್ ಹಾಣಿಂ ಭಾಗ್ ಘೆತ್ಲೊಲೊ. ಹೆಂ ಕರ್ಯೆಂ ಐ.ಟಿ@ಸ್ಕೂಲ್ ಜಿಲ್ಲಾ ಆಫೀಸಾಂತ್ ಚಲ್ಲೆ.

     ಅಸಲ್ಯಾ ಆಧಿಕಾರಿಕ್ ಆಮೊ ಆದೇವ್ಸ್