ವಿಗಾರ್ ಬಾಪಾಂಕ್ - ಸಾಟ್ ವರ್ಸಾಂಚಾ ಜಲ್ಮೋತ್ಸವಾಚೆಂ ಆಭಿನಂದನ್

ಕುಂಬ್ಳಾಚೆ ವಿಗಾರ್ ಮಾ|ಮಾರ್ಸೆಲ್ ಸಾಲ್ಡಾನಾ ಬಾಪಾಂಕ್

ಸಾಟ್ ವಾರ್ಸಾಂಚಾಂ ಜಲ್ಮೋತ್ಸವಾಚೆಂ ಅಭಿನಂದನ್

ಆಪ್ಲ್ಯಾ ಪರಿಶ್ರಮಾಕ್, ಪ್ರಯತನಾಂಕ್, ವಾವ್ರಾಕ್ ಆನಿಂ ಉದರ್ಗತೆಚಿ ಸ್ವಪ್ಣಾ ದೆಕ್ಚೆ ನಾಂವಾಡ್ದಿಕ್ ಕುಂಬ್ಳಾಚೆಂ ವಿಗಾರ್ ಮಾ| ಮಾರ್ಸೆಲ್ ಸಾಲ್ಡಾನಾ ಬಾಪ್ 60ವೆಂ ಜಲ್ಮೋತ್ಸವ್ ಆಚಾರ್ಸಿತಾತ್. ಶಿರ್ತಾಡಿಂತ್ಲ್ಯಾಂ ಶ್ರೀ ಲೋರೆನ್ಸ್ ಸಾಲ್ಡಾನಾ ಆನಿಂ ನಾತಾಲಿಯ ಸಾಲ್ಡಾನಾ ಹಾಂಚಾ ದೆವೊತ್ ಕುಟ್ಮಾಂತ್ ಧಾ ಜಣಾಂ ಭುರ್ಗ್ಯಾಂ ಮಧೆಂ ಮಾರ್ಸೆಲ್ ಸಾಲ್ಡಾನಾ ಬಪಾಂನಿಂ 14-08-1953 ಇಸ್ವೆಂತ್ ಜಲ್ಮ್ ಘೆತ್ಲೊ. ಪ್ರೈಮರಿ ಶಿಕಾಪ್ ಹೋಲಿ ಏಂಜಲ್ಸ್ ಇಸ್ಕಾಲಾಂತ್ ತಶೆಂ ಹೈಸ್ಕೂಲ್ ಶಿಕಾಪ್ ಜವಾಹರಲಾಲ್ ನಹೆರು ಹೈಸ್ಕೂಲಾಂತ್ ಸಂಪಯ್ಲೆಂ. ಉಪ್ರಾಂತ್ ಸೈಂಟ್ ಎಲೋಶಿಯಸ್ ಕಾಲೇಜಿಂತ್ ಶಿಕಾಪ್ ಮುಂದರುನ್ ವೆಲೆಂ. 11-05-1979 ಇಸ್ವೆಂತ್ ಯಾಜಕೀ ದೀಕ್ಷಾ ಆಪ್ಣಾಯ್ಲಿ.

ಮಾನಾದಿಕ್ ಮಾರ್ಸೆಲ್ ಸಾಲ್ಡಾನಾ ಬಾಪಾನಿಂ 3 ವರ್ಸಾಂ ಪುತ್ತೂರಾಂತ್ ಸಹಾಯಕ್ ವಿಗಾರ್ ಜಾವುನ್, 5 ವರ್ಸಾಂ ಉಜಿರೆ ಫಿರ್ಗಜೆಂತ್ ವಿಗಾರ್ ಜಾವುನ್, ಉಪ್ರಾಂತ್ 10 ವರ್ಸಾಂ ಜೆಪ್ಪು ಸಾಂ ಜುಜೆಚಾ ವರ್ಕ್ ಶೋಪಾಂತ್ ದಿರೆಕ್ತೊರ್ ಜಾವುನ್ ಸೆವಾ ದಿಲ್ಯಾ, ಪಾನೀರ್ ಫಿರ್ಗಜೆಂತ್ 7 ವರ್ಸಾಂ ಕಲ್ಯಾಣ್‌ಪುರ್ ಫಿರ್ಗಜೆಂತ್ 7 ವರ್ಸಾಂ ಯಾಜಕೀ ಸೆವಾ ದಿಲ್ಯಾ.

ಮಾನಾದಿಕ್ ಬಾಪಾಂಚೆಂ ಆಸಕ್ತೆಚೆ ವಿಷಯ್ ಸಬಾರ್, ತೆಂ ಏಕ್ ಖೆಳ್ಗಾಡಿ ಜಾವುನ್ ರಾಜ್ಯ್ ಮಟ್ಟಾರ್ ತಶೆಂಚ್ ಜಿಲ್ಲಾ ಹಂತಾರ್ ಸಬಾರ್ ಪುರಸ್ಕಾರ್ ಆನಿಂ ಇನಾಮಾ ಆಪ್ಣಾಯ್ಲ್ಯಾಂತ್. ಸ್ಪೋರ್ಟ್ಸ್ ಆಂಡ್ ಗೇಮ್ಸ್, ಅತ್ಲೆಟಿಕ್ಸ್ ಮ್ಹಾಕಾ ವಿಶೇಷ್ ಆಸಕ್ತೆಚೆಂ ವಿಷಯ್ ಮ್ಹಣೊನ್ ತೆಂ ಸಾಂಗ್ತಾಂತ್. ಬಾಡ್ಮಿಂಟನ್, ಬಾಸ್ಕೆಟ್‌ಬಾಲ್, ಹಾಕಿ, ವಾಲಿಬಾಲ್ ಮ್ಹಣೊನ್ ಇತರ್ ಖೆಳಾಂನಿಂ ಜಾಣ್ವಾಯ್ ಆಸಾ. ಏಕಾ ಖೆಳ್ಗಾಡ್ಯಾಕ್ ಸ್ವನಿಯಂತ್ರಣ್ ಆಸೊನ್ ಖೆಳ್ಚಾ ವಸ್ತುಚೆರ್ ಆನಿಂ ನಿಯಮಾಂಚೆರ್ ಸಂಪೂರ್ಣ್ ನಿಯಂತ್ರಣ್ ಆಸ್ಲ್ಯಾರ್ ಮಾತ್ರ್ ಖೆಳಾ ಥೈಂ ಪರಿಪೂರ್ಣತಾ ಮೆಳ್ತಾ ಮ್ಹಳ್ಳಿ ತಾಂಚಿ ಜಾಣ್ವಾಯ್ ತೆಂ ಸಾದಾರ್ ಕರ್ತಾತ್.

ಮಾರ್ಸೆಲ್ ಸಾಲ್ಡಾನಾ ಬಾಪಾಂಕ್ ಸಬಾರ್ ಫಿರ್ಗಜ್ಯಾನಿಂ ಸೆವಾ ಅರ್ಪಿಲ್ಲಿ ಮಾಹೆತ್ ಆನಿಂ ಅನುಭವ್ ಆಸಾ. ದೆಕುನ್‌ಚ್ ಸಕ್ಕಡ್ ಜಾಗ್ಯಾಂನಿಂ ಮ್ಹಕಾ ಪೂರ್ಣ್ ತೃಪ್ತಿ ಮೆಳ್ಳ್ಯಾ ಮ್ಹಣೊನ್ ತಾಂಚಾಂ ಉತ್ರಾಂನಿ ‌ತೆಂ ಉಚಾರ್ತಾತ್. ಫಿರ್ಗಜ್ ಬಾಂದ್ಪಾಂ ಉಬೆಂ ಕರ್ಚೆ ಸುಲಭ್ ಬಗಾರ್ ಫಿರ್ಗಜ್ ಕುಟಾಮ್ ಬಾಂದ್ಚೆಂ ಜಾವ್ನಾಸಾ ಯಾಜಾಕಾಂಚೆಂ ಮೂಳ್ ಕರ್ತವ್ಯ್ ಆಸೊಂಕ್ ಜಾಯ್. ಗರ್ಜೆ ವಯ್ರ್ ಮರ್ಜಿ ನಾಕಾ, ಫಿರ್ಗಜ್ ಕುಟ್ಮಾ ಮಧೆಂ ಎಕ್ವಟ್ ಹಾಡ್ನ್ ತಾಕಾ ಏಕ್ ರೂಪ್ ದಿಂವ್ಚೆಂ ಪಯ್ಲೆಂ ಮೇಟ್ ಆಸೊಂಕ್ ಜಾಯ್ ಮ್ಹಣೊನ್ ತಾಂಚಾಂ ಉತ್ರಾಂನಿಂ ಪರ್ಗಟ್ ಜಾತಾ.

ಭುರ್ಗಿಂ, ಪ್ರಯ್ವಂತಾಂ, ಯುವಕ್ ಮ್ಹಾಕಾ ಚಡ್ ಮೊಗಾಚಿಂ ಜಾವ್ನಾಸಾತ್. ಮ್ಹಾಕಾ ಗೆಲ್ಲ್ಯಾ ಕಡೆನ್ ಲೊಕಾಚೊ ಬರ್ಪೂರ್ ಮೋಗ್ ಮೆಳ್ಳಾ. ಸೈಂಟ್ ಜೋಸೆಫ್ ವರ್ಕ್ ಶೋಪಾಚೆಂ ಶಿಲ್ಪಿ ಮ್ಹಣೊನ್ ವೊಲಾಯ್ಲಾರೀ ತಾಂಕಾ ಸೊಂಪೆಂ ಮ್ಹಣೊನ್ ಸಾಂಗ್ಯೆತ್. ವಾವ್ರಾ ಥೈಂ ಗಮನ್ ಕೇಂದ್ರೀಕೃತ್ ಕರುನ್ ತೆಂ ಪೊಂತ್ ಪರ್ಯಾಂತ್ ಪಾವೊಂವ್ಚಿ ಸಕತ್ ಆನಿಂ ಜಾಣ್ವಾಯ್ ತಾಂಚಿಂ ಜಾವ್ನಾಸಾ. ಸಬಾರ್ ಕಡೆನ್ ವಾವ್ರ್ ದಿತಾನಾ ಸಬಾರ್ ಸೊಸುಂಕ್ ಮೆಳ್ಳಾ ಆನಿಂ ತೆಂ ಸಾಧಾರಣ್ ಆನಿಂ ಗರ್ಜೆ ಬಾಯ್ರ್, ತಾಕಾ ಸಗ್ಳೆಂ ಗಣ್ಣೆ ಕರಿನಾಸ್ತಾನಾ ಆಜೂನ್ ಚುಡ್ಸುಡಿತ್, ಚುರುಕ್ ಆನಿಂ ಶಿಸ್ತೆಚೆ ಜಾತಾತ್. ಉಜಿರೆಂತ್ ತಶೆಂ ಕಲ್ಯಾಣ್‌ಪುರ್ ಫಿರ್ಗಜೆಂತ್ ಉತ್ತಮ್ ಸೆವಾ ದಿಲ್ಯಾ. ಕಲ್ಯಾಣ್‌ಪುರ್ ಫಿರ್ಗಜೆಂತ್ ಮಿಲಾಗ್ರಿಸ್ ಶಿಕ್ಷಣ್ ಸಂಸ್ಥ್ಯಾಚಿ ಜವಾಬ್ದಾರಿ ತಾಂಚಿ ಆಸ್‌ಲ್ಲಿ. ತ್ಯಾ ಆವ್ದೆಂತ್ ಮಿಲಾಗ್ರಿಸ್ ಶಿಕ್ಷಣ್ ಸಂಸ್ಥ್ಯಾನ್ ರಾಜ್ಯ ಮಟ್ಟಾರ್ ಖೆಳಾ ಕ್ಷೇತ್ರಾಂತ್ ತಶೆಂ ಶಿಕ್ಷಣ್ ಕ್ಷೇತ್ರಾಂತ್ ನಾಂವ್ ಹಾಡ್ಲಾಂ. ಮಾರ್ಸೆಲ್ ಸಾಲ್ಡಾನಾ ಬಾಪಾಂನಿಂ ಕಲ್ಯಾಣ್‌ಪುರಾಂತ್ ಏಕ್ ಮಿಲಾಗ್ರಿಸ್ ಮ್ಯೂಸಿಯಂ ಆಸಾ ಕೆಲ್ಲೆ. ಪಾನೀರ್ ಫಿರ್ಗಜೆಂತ್ ರೂಕ್ ಝಡಾಂ ಲಾವ್ನ್ ಪರಿಸರಾಂ ಥೈಂ ಆಸ್ಚೊ ಮೋಗ್ ತಾಣಿಂ ದಾಕಾಯ್ಲಾ ಮಾತ್ರ್ ನೈಂ ಆಸ್ತಾಂ ಪಾನೀರ್‌ಚಾ ಏಕಾ ಅಕ್ರೀಸ್ತಾಂವಾನ್ "Father you may be going but trees may speak about you ' ಮ್ಹಣೊನ್ ಸಾಂಗ್ಲೆಲೆ ತೆಂ ವಿಚಾರ್ನಾಂತ್.

ಮಾರ್ಸೆಲ್ ಸಾಲ್ಡಾನಾ ಬಾಪಾಂಚಿಂ ಸಕತ್ ಜಾವ್ನಾಸಾ ಮಾಗ್ಣೆಂ ಆನಿಂ ಶಿಸ್ತ್. ಹರ್ಯೆಕಾ ಘಡ್ಯೆ ಮನ್ಶಾನ್ ಶಿಸ್ತ್ ಸಾಂಬಾಳಿಜಯ್ ಹರ್ಯೆಕಾ ಕರ್ನೆಂತ್ ಶಿಸ್ತ್ ಗರ್ಜೆಚಿ ಮ್ಹಳ್ಳಿ ತಾಂಚಿ ಆಶಾ ಜಾವ್ನಾಸಾ. ತ್ಯಾ ದೆಕುನ್ ಅಶಿಸ್ತೆ ವಿಷ್ಯಾಂತ್ ತೆಂ ನಿಷ್ಠುರ್ ಜಾತಾತ್. ಕ್ರಿಸ್ತಾಂವ್ ಸಮಾಜೆನ್ ಅಭಿವೃಧ್ಧೆಚಿ ಮೆಟಾ ಕಾಡಿಜಯ್ ತರ್ ಥೈಂ ಶಿಸ್ತ್, ಸ್ವಪಾಣ್ ಆನಿಂ ಘಟ್ ಮನ್ ಆಸೊಂಕ್ ಜಾಯ್ ಮ್ಹಣ್ತಾತ್. ಶಿಸ್ತ್ ಆನಿಂ ವಾವ್ರ್ ಸಾಂಗಾತಾ ಆಸ್ಲ್ಯಾರ್ ಅಭಿವೃಧ್ಧಿ ಸಾಧ್ಯ್ ಜಾತಾ. ಮಾರ್ಸೆಲ್ ಸಾಲ್ಡಾನಾ ಬಾಪಾಂನಿಂ ವಾವ್ರ್ ಕೆಲ್ಲ್ಯೊ ಫಿರ್ಗಜ್ಯೊ ಆರ್ಥಿಕ್ ತಶೆಂ ಆತ್ಮಿಕ್ ವಾಡಾವಳೆಕ್ ಪಾವ್ಲ್ಯಾತ್.

ಕ್ರಿಸ್ತಾಂವ್ ಧರ್ಮ್ ಸಾಂಬಾಳುನ್ ತೆಂ ಮುಂದರ್ಸುನ್ ವರ್ಚೆಂ ಭಾರಿಚ್ ವಜೆಂ ತರ್ನಾಂಟ್ಯಾಚೆಂ ಜಾವ್ನಾಸಾ. ತ್ಯಾ ದೆಕುನ್ ತರ್ನಾಂಟ್ಯಾನಿಂ ಫಿರ್ಗಜೆಚ್ಯಾ ಆತ್ಮಿಕ್ ಆನಿಂ ಧಾರ್ಮಿಕ್ ಸಂಗ್ತೆನ್ ಮೆತೆರ್ ಜಾವುನ್ ಫಿರ್ಗಜೆಚ್ಯಾ ವಾಡಾವಳೆಂತ್ ಬಹುಮುಖ್ಯ್ ಪಾತ್ರ್ ಘೇಜಯ್ ಮ್ಹಣೊನ್ ಯುವಕಾಂಕ್ ವಿಗಾರ್ ಬಾಪಾಂಚೊ ಉಲೊ ಜಾವ್ನಾಸಾ.

ಸಾಂ ಮೊನಿಕಾ ಫಿರ್ಗಜ್ ಕುಂಬ್ಳಾಂತ್ ವಾವ್ರ್ ಕರುಂಕ್ ಲಾಭ್‌ಲ್ಲೆ ವರ್ತೆ ಭಾಗ್ ಜಾವ್ನಾಸಾ. ಕಷ್ಟಿ ಆನಿಂ ಕಾಮೆಲಿ ಲೋಕ್. ಉಣ್ಯಾ ಲೊಕಾಂ ಮಧೆಂ ವಾವ್ರ್ ಕರುಂಕ್ ತ್ರಾಸ್ ನಾಂತ್ ಮ್ಹಳ್ಳೆ ಲೆಕುನ್ ಖುಶಿ ಪಾವ್ತಾತ್. ಖುರ್ಸಾ ಗುಡೊ ಅಭಿವೃಧ್ಧಿ ಕರುಂಕ್ ಯೋಜನ್ ಕೆಲಾ. ತಶೆಂಚ್ ಫಿರ್ಗೆಜೆಚ್ಯಾ ಇಂಗ್ಲೀಷ್ ಮಾಧ್ಯಮ್ ಇಸ್ಕಾಲಾಕ್ ಸರ್ಕಾರಾಚಿ ಮಾನ್ಯತಾ ಮ್ಙೆಳ್ಚೆ ಖಾತಿರ್ ದೀಸ್ ರಾತ್ ತೆಂ ಮನಾಂತ್ ಚಿಂತ್ನಾ ಆಟಾಯ್ತಾತ್. ಹೋಲಿ ಫ್ಯಾಮಿಲಿ ಕೊಂವೆಂತ್ ಆನಿಂ ಇಸ್ಕೊಲ್, ಸಾಂ ಜೋಸೆಫ್ ಆನ್ನೆಸಿ ಧಾರ್ಮಿಕ್ ಭಯ್ಣಿಂಚಾಂ ಮೆಳಾಚೆ ಕೊಂವೆಂತ್ ಹೆಂ ದೋನ್ ಸಂಸ್ಥೆ ವಿಗಾರಾಂಚಾ ಅಧಿಕಾರಾ ವ್ಯಾಪ್ತೆಂತ್ ಆಸಾತ್. ಲೊಕಾಚಿ ಆರ್ಥಿಕ್ ಪರಿಸ್ಥಿತಿ ಜಾಣಾ ಆಸ್ಚೆ, ಮಾನಾದಿಕ್ ಬಾಪ್ ಶಾಂತ್ ಮನಾಚೆಂ ಜಾತಾತ್. ಆತ್ಮಿಕ್ ಸೂಚನಾಂ ಸವೆಂ ವೋಡ್ತ್, ಪರಿಸರ್, ಹಿಟಾಳ್ ಮ್ಹಣೊನ್ ಕಾಮೆಲಿ ಜಾತಾನಾ ತ್ರಾಣ್ ಸಕತ್ ಆನಿಂ ಪುರ್ಸತ್ ಆಸ್‌ಲ್ಲ್ಯಾಂಕ್ ಲಜೆಕ್ ಘಾಲ್ತಾತ್. ದೆವಾನ್ ದಿಲ್ಲಿ ಅಮೂಲ್ಯ್ ಸಾಟ್ ವರ್ಸಾಂ ವಿಗಾರ್ ಬಾಪಾಂನಿಂ ಸೆವೆಕ್ ತಶೆಂ ವಾವ್ರಾಕ್ ಕರ್ಚಿಲ್ಯಾಂತ್. ತಾಂಚಾಂ ಮುಖ್ಲ್ಯಾ ವರ್ಸಾಂನಿಂ ಸರ್ಗಿಂಚೊ ಬಾಪ್ ಆಶಿರ್ವಾದಾಂನಿಂ ಆನಿಂ ಉರ್ಭೆನ್ ಬರುಂದಿಂ. ತಾಂಚಾ ಯಾಜಕೀ ಜೀವನಾಂತ್ ಶಾಂತಿ ಸಮಾಧಾನ್ ಮೋಗ್ ರಾಜ್ ಕರುಂದಿ.

ಉಪಾಧ್ಯಾಕ್ಷಾ ಸವೆಂ, ಸಾಂತ್ ಮೊನಿಕಾ ದೇವ್ ಪ್ರಜಾ

ಹೋಲಿ ಫ್ಯಾಮಿಲಿ ಕೊಂವೆಂತ್

ಸೈಂಟ್ ಜೋಸೆಫ್ ಆನ್ನೆಸಿ ಕೊಂವೆಂತ್

ಕುಂಬ್ಳಾ