ಆಮ್ಚೆ ವಿಗಾರ್

SL. NO	NAME	FROM	TO
1	REV FR JOSEPH MENEZES	14-10-1934	26-09-1939
2	REV FR ALBERT NAZARETH	4/10/1939
3	REV FR FRANK PERIS
4	REV FR LAWRENCE MONTEIRO
5	REV FR ALEXANDER CONCESSAO
6	REV FR ALOYSIUS F. SILVA
7	REV FR GERALD L. R. MIRANDA	28-11-1947	9/5/1949
8	REV FR EDWARD SALDANHA	10/5/1949	22-09-1954
9	REV FR SALVADORE J. C. VAS	22-09-1954	12/5/1956
10	REV FR ALPHONSUS D’CUNHA
11	REV FR D. S. PAIS	23-06-1951	5/2/1955
12	REV FR MARCEL MENEZES	22-05-1955	1956
13	REV FR JOACHIM PEREIRA	5/10/1956	27-12-1956
14	REV FR PETER D’SA
15	REV FR SALVADORE JC RODRIGUES	28-12-1956	22-03-1957
16	REV FR LAWRENCE D’SOUZA		3/6/1960
17	REV FR CHARLES P. D’SOUZA	1/3/1960	9/5/1960
18	REV FR APOLINE MONTEIRO	9/5/1960	15-08-1961
19	REV FR MSG. WILLIAM A. LEWIS
20	REV FR JOOSEPH NORONHA	1/9/1961	2/11/1961
21	REV FR FREDRICK PINTO	3/11/1961	8/6/1965
22	REV FR ALEXANDER SEQUIRA	9/6/1965	8/5/1970
23	REV FR J. M. MENEZES
24	REV FR LIGORY E. PINTO
25	REV FR ALPHONSUS MATHAIAS
26	REV FR HERALD G. D’SOUZA	9/5/1970	8/8/1975
27	REV FR GERALD L. MIRANDA	9/8/1975	6/6/1976
28	REV FR GABRRIEL CASTELINO	6/6/1976	26-12-1982
29	REV FR ALOYIUS A. SERRA	23-05-1983	16-04-1988
30	REV FR J.C MORAS	17-04-1989	14-08-1989
31	REV FR ALFRED J. PINTO	15-08-1989	9/11/1989
32	REV FR ANDREW RODRIGUES	10/11/1989	31-05-1993
33	REV FR LOUIS D’SOUZA	1/6/1993	4/7/1998
34	MOST REV . DR. GERALD ISAAC LOBO	5/7/1998	18-03-2000
35	REV FR ALFRED J. PINTO	19-03-2000	3/6/2007
36	REV FR ALBAN RODRIGUES	1/7/2007	14-06-2011
37	REV FR MARCEL SALDANHA	14-06-2011	27-05-2018
38	REV FR ANIL PRAKASH D’SILVA	27-05-2018	14-05-2024
39	REV. FR. MELWYN D’SOUZA	14-05-2024	TILL DATE

ಮಾ|ಆಲ್ಬನ್ ರೋಡ್ರಿಗಸ್  ಬಾಪಾಂಕ್ ಆದೇವ್ಸ್ ಮಾಗ್ತಾನಾ ಅರ್ಪಿಲ್ಲೆ ಮಾನ್ ಪತ್ರ್

 

    ಕುಂಬ್ಳಾ ಸಾಂ ಮೊನಿಕಾ ಫಿರ್ಗಜ್ ವಿಗಾರ್ ಮಾನಾದಿಕ ಆಲ್ಬನ್ ರೋಡ್ರಿಗಸ್ ಬಾವಾಂಕ್ ಆದೇವ್ಸ್ ಮಾಗ್ಚ್ಯಾ ಸಂದರ್ಭಾರ್ ದೇವ್ ಪರ್ಜೆನ್ ಅರ್ಪುಂಚೆಂ ಮಾನ್ ಪತ್ರ್.

    ವಿಗಾರ್ ಬಾಪಾಂನೊಂ ತುಮಿಂ ಶಿರ್ವಾಂಚಾ ದೆವಾದಿನ್ ಮಾರ್ಕ್ ರೋಡ್ರಿಗಸ್ ಆನಿಂ ರೀಟಾ ರೋಡ್ರಿಗಸ್ ಹಾಂಚಾ 4 ಜಣಾಂ ಭುರ್ಗ್ಯಾಂ ಪೈಕಿ ಎಕ್ಸೊ ಜಾವ್ನ್ 23-10-1959 ಇಸ್ವೆಂತ್ ಜಲ್ಮ್ ಘೆತ್ಲೊ. ತುಮ್ಚೊ ಭಾವ್ ಆನಿಂ ಭಯ್ಣ್ ಬೊಂಬಯಾಂತ್ ವಸ್ತಿ ಕರುನ್ ಆಸಾತ್. ತುಮ್ಚೆ ಶಿಕಾಪ್ ಪಯ್ಲೆ ಕಾಸಿ ಥಾವ್ನ್ ಸಾತ್ವಿ ಮ್ಹಣಾಸರ್ ಶಿರ್ವಾಂ ಡೋನ್ ಬೋಸ್ಕೊ ಹೈಯರ್ ಪ್ರೈಮರಿ ಇಸ್ಕಾಲಾಂತ್ ಸಂಪ್ಲೆಂ. ಆಟ್ವಿ ಥಾವ್ನ್ ಧಾವಿ ಮ್ಹಣಾಸರ್ ಸೈಂಟ್ ಮೇರೀಸ್ ಹೈಸ್ಕೂಲ್ ಶಿರ್ವಾಂತ್ ಅಖೇರ್ ಜಾಲೆಂ. ಶಿಕ್ಪಾಂತ್ ತುಮಿಂ ಚತುರ್ ಜಾಲ್ಲ್ಯಾನ್, ವಿಜ್ಣಾನ್ ವಿಷಯ್ ತುಮಿಂ ವಿಂಚ್ಲೊ ಆನಿಂ ಸಾಂ ಎಲೋಶಿಯಸ್ ಕಾಲೇಜಿಕ್ ಭರ್ತಿ ಜಾಲ್ಯಾತ್. ತುಮಿಂ ಖಾಸ್ಗಿ ಶಿಕೊನ್ ಬಿ.ಎ ಸನದ್ ಆಪ್ಣಾಯ್ಲಿಂ.

    ತವಳ್ಚೊ ಮಂಗ್ಳೂರ್ಚೊ ಧರ್ಮಾಧ್ಯಾಕ್ಸ್ ಜವ್ನಾಸ್ಚಾ ದೆವಾದಿನ್ ಅಧಿಕ್ ಮಾನಾಧಿಕ್ ದೊತೊರ್ ಬಾಸಿಲ್ ಸೋಜ ಥಾವ್ನ್ 1988ಮೇಯಾಚಾ 3 ತಾರೀಕೆರ್ ಯಾಜಕೀ ದೀಕ್ಷಾ ಜೊಡುನ್ ಘೆತ್ಲಿಂ. ತುಮ್ಕಾಂ ತಾಣಿಂ ಪವಿತ್ರ್ ತೆಲಾಂತ್ ಮಾಖುನ್ ಕ್ರೀಸ್ತಾಚೊ ಸೆವಕ್ ಜಾವ್ನ್ ವಿಂಚ್ಲೊ. ದೋನ್ ವರ್ಸಾಂ ಕುಂದಾಪುರ್ ಫಿರ್ಗೆಜೆಂತ್ ಸಹಾಯಕ್ ವಿಗಾರ್ ಜಾವ್ನ್ ಅನುಭವ್ ತುಮಿ ಜೊಡ್ಲೊ. ಹಾಚ್ಯಾ ಉಪ್ರಾಂತ್ 3 ವರ್ಸಾಂ ರುಜಾಯ್ ಕಾಥೆದ್ರಾಲಾಂತ್ ಸಹಾಯಕ್ ವಿಗಾರ್ ಜಾವ್ನ್ ವಾವ್ರ್ ತುಮಿಂ ಭೆಟಯ್ಲೊ. 1993 ಮೇಯಾಚಾ 17 ತಾರೀಕೆರ್ ತುಮಿಂ ಕೊಕ್ಕಡ ಫಿರ್ಗೆಜೆಂತ್ ವಿಗಾರ್ ಜಾವ್ನ್ ಹುದ್ದೊ ಸ್ವೀಕಾರ್ ಕೆಲೊ. ಕೊಕ್ಕಡ ಫಿರ್ಗೆಜೆಂತ್ ಕೃಷಿಕ್ ತುಮಿಂ ಚಡ್ ಗಮನ್ ದಿಲೆಂ. ಥೈಂ ತುಮ್ಕಾಂ ಚಡ್ ಮೊಗಚ್ಯಾ ಭುರ್ಗ್ಯಾಂಚೊ ಆಸ್ರೊ ಚಲೊನ್ ವೆಲೊ. ತುಮ್ಚಾಂ ಮುಖೇಲ್ಪಣಾರ್ 1994 ಇಸ್ವೆಂತ್ ಕೊಕ್ಕಡ ಫಿರ್ಗಜೆಚೊ ಅಮೃತೋತ್ಸವ್ ಆಚರ್ಸಿಲೊ. ಉಪ್ರಾಂತ್ ತುಮ್ಚೆ ಲಾಂಬ್ ಸಾತ್ ವರ್ಸಾಂಚೆ ಸೆವೆಚೆ ಪಯ್ಣ್ ಸಾಯ್ಬ ಸಾಲ್ವದೊರಾಕ್ ಸಮರ್ಪಿಲ್ಲಿ ಫಿರ್ಗಜ್ ಆಗ್ರಾರಾಂತ್, ತುಮ್ಚಾ ಜೀವಾನಾಂತ್ ಭಾಂಗ್ರಾಳ್ಯಾ ಉತ್ರಾಂನಿಂ ಕಾಂತವ್ನ್ ಆಸಾತ್ ಜಾಲ್ಲಿ ಹಿ ಆವ್ದಿಂ ತುಮ್ಕಾಂ ಚಡ್ ಜಯ್ತೆವಂತ್ ಕರ್ತಾಂ, ಸೆವೆಕ್ ಪ್ರೇರಿತ್ ಕರ್ತಾಂ. ಭೋವ್ ಕಷ್ಟಾಂನಿ ತುಮಿ ಫಿರ್ಗಜ್ ಕುಟಾಮ್ ಭಾಂಧುನ್ ಹಾಡ್ಲಿಂ ಆನಿಂ ತಾಚೊ ಪ್ರತಿಫಳ್ ಜಾವ್ನ್ 300 ವರ್ಸಾಂಚೊ ಫಿರ್ಗಜ್ ಜುಬ್ಲೆವ್ ಆಚರ್ಸುಂಕ್ ಧಯ್ರ್ ಘೆತ್ಲೆಂ. ತುಮಿಂ ತುಮ್ಚಾಂ ವೈಯಕ್ತಿಕ್ ಆಸಕ್ತೆನ್ ಥೈಂ ಏಕ್ ಇಂಗ್ಲೀಷ್ ಮಾಧ್ಯಮ್ ಇಸ್ಕೊಲ್ ಭಾಂಧ್ಲೆಂ ಆನಿಂ ತಾಕಾ ಸರ್ಕಾರಾಚಿ ಮಾನ್ಯತಾ ಮೆಳ್ಳ್ಯಾ ಮ್ಹಣೊನ್ ಸಾಂಗೊಂಕ್ ತುಮ್ಕಾಂ ಅಭಿಮಾನ್ ಭಗ್ತಾಂ.

    01-07-2007 ಇಸ್ವೆಂತ್ ತುಮ್ಮಾಂ ಕುಂಬ್ಳಾಕ್ ವಿಂಚ್ಲೊ. ಕುಂಬ್ಳಾ ಫಿರ್ಗಜ್ ಲ್ಹಾನ್ ತರೀ ಭೋವ್ ಚುಡ್ಸುಡಿತ್. ಕುಂಬ್ಳಾಂತ್ ತೀನ್ ಆವ್ದ್ಯಾಂಕ್ ಬೊರೆ ಲೊಕಾಮೊಗಳ್ ವಿಗಾರಾಂಕ್ ದಿಲ್ಲಾ ಮಂಗ್ಳುರ್ಚ್ಯಾ ಧರ್ಮಾಧ್ಯಾಕ್ಷ್ ಬಾಪಾಂಕ್ ವಂದಿತಾಂವ್. ಕುಂಬ್ಳಾಕ್ ತುಮ್ಚೆ ತಸಲ್ಯಾ ವಿಗಾರಾಂಕ್ ಆಶೆಲ್ಲ್ಯಾಂವ್. ಖಂಡಿತ್ ಜಾವ್ನ್ ತುಮ್ಚೆ ವಿಷ್ಯಾಂತ್ ಚಡಿತ್ ಜಾಣಾಂ ನಾತ್ಲೆಲೆ ತರೀ ತುಮ್ಕಾಂ ಹಾಂಗಾ ಪಾವೊಂಕ್ ಆಯ್ಲ್ಯಾ ಆಗ್ರಾರ್ ಫಿರ್ಗಜೆಚೊ ಲೋಕ್ ಹಾಕಾ ಸಾಕ್ಸ್. ತುಮಿ ಕಿತ್ಲೆ ಸಾದೆ, ಭಳೆಂ ನಿಷ್ಕಳಂಕ್ ಮನಾಚೆ ಮ್ಙಣೊನ್ ಸಮ್ಜುಂಕ್ ಆಮ್ಕಾಂ ಕಷ್ಟ್ ಮಾರ್ಲೆನಾಂತ್. ಲೊಕಾಚಿ ಮನಾ ತುಮಿ ಥೊಡ್ಯಾಚ್ಚ್ ದಿಸಾಂನಿ ಸಮ್ಜಲ್ಯಾತ್, ವ್ಹಡ್ ಫಿರ್ಗಜೆಂತ್ ಸೆವಾ ದಿಲ್ಲ್ಯಾ ತುಮ್ಕಾಂ ಕುಂಬ್ಳಾ ತಸಲಿ ಲ್ಹಾನ್ ಫಿರ್ಗಜ್ ಖಂಡಿತ್ ಚಲೊನ್ ವರುಂಕ್ ಸುಲಭ್ ಖಾತ್ರಿ ಜಾಲ್ಲಿ. ತುಮ್ಕಾಂ ಪಯ್ಲೆಂ ಪಾವ್ಟಿ ಪಳೆಯ್ತಾನಾ ಸಾಂಜೆಚೆ ಕಾಮ್ ಕರುನ್ ಥಕ್ಲೆಲ್ಯಾ ಕಾಮೆಲ್ಯಾಬರೀಂ ಆಸಲ್ಲ್ಯಾತ್, ತೆಂ ಸತ್ ಆಗ್ರಾರ್ಚೆ ಜೀವನ್ ಸುಲಭ್ ನಾತ್ಲೆ. ಫಕತ್ ಎಕಾಚ್ ಹಾಫ್ತ್ಯಾಂತ್ ತುಮಿ ಸಾಮಾನ್ಯ್ ಸ್ಥಿತಿಕ್ ಪಾವ್ಲ್ಯಾತ್.

    ಹಾಂಗಾ ಆಗ್ರಾರ್ ಕೊಕ್ಕಡಬರಿಂ ಅಮೃತೋತ್ಸವ್ ಆಚರ್ಸುಂಕ್ ರಾಕೊನ್ ಆಸ್ಲ್ಯಾಂವ್. ಕುಂಬ್ಳಾಂತ್ ಸರ್ವಾಂಕ್ ಸಾಂಗಾತಾ ಹಾಡುಂಕ್ ಕಷ್ಟ್ ನಾಂತ್ ತರೀಂ ಥೊಡಿಚ್ಚ್ ಕುಟ್ಮಾಂ, ದುಬ್ಳಿಕಾಯ್ ಮಾತ್ತ್ ಏಕ್ ಉಣೆಂಪಣ್, ಭಾರಿಚ್ ಹುಮೆದಿನ್ ಲೊಕಾಕ್ ದಿವುನ್ ಅಮೃತೋತ್ಸವ್ ವರಸ್ ಉಗ್ತಾವಣ್ ಕೆಲೆ. ವಿವಿಧ್ ಸಮಿತ್ಯೊ ರಚಿತ್ ಕೆಲ್ಯೊ. ಹಾಚಾ ಸಾಂಗಾತಾ ಲೊಕಾಕ್ ಆತ್ಮಿಕ್ ಖಾಣಾನ್ ಭರ್ಲೆಂ. ಅಶೆಂ 28-11-2009 ಇಸ್ವೆಂತ್ ಸಾಂತ್ ಮೊನಿಕಾ ಫಿರ್ಗಜೆಚೆಂ ಅಮೃತೋತ್ಸವ್ ಅತೀ ಗದ್ದಾಲಾಯೆನ್ ಗಾಂವಾನ್ ಗಾಂವ್ ಗಾಜವ್ನ್ ಆಚರ್ಸಿಲೆಂ. ತುಮ್ಚಾ ಮತಿಂತ್ ಹಾಂವೆಂ ಕಿತೆಂಯ್ ಭಾಗ್ ಕೆಲಾ ಹೆಂ ಹಾಂವೆ ಮೇಟ್ ದವರ್ಲ್ಯಾ ಫಿರ್ಗಜೆಂತ್ ಅಮೃತೋತ್ಸವ್ ಆಸ್ತಾ. ಹೊ ಏಕ್ ಭಾರಾಧಿಕ್ ಖುರಿಸ್ ಮ್ಹಣೊನ್ ಗ್ರಾಸಿತಲೆಂ. ಕುಂಬ್ಳಾಂತ್ ಧನಾಚಿ ಗರ್ಜ್ ಆಸ್ಲಿ, ನಾಟಕ್ ಖೆಳೊಂಕ್ ತೀರ್ಮಾನ್ ಕರುನ್ ಧನ್ ಎಕ್ಟಾಯ್ ಕೆಲೆಂ.

    ತುಮಿಂ ಕುಂಬ್ಳಾಂತ್ ಆಯ್ಲೆಲ್ಯಾ ಉಪ್ರಾಂತ್ ಏಕ್ ಎಕ್ರೊ ಮ್ಹಣಾಸರ್ ಜಾಗೊ ಫಿರ್ಗಜೆಚ್ಯಾ ನಾಂವಾರ್ ಕರುಂಕ್, ತಾಕಾ ಪಯ್ಶಾಂಚಿ ವಿಲೆವಾರಿ ಕರುಂಕ್ ಮುಖಾರ್ ಆಯ್ಲ್ಯಾತ್, ಖುರ್ಸಾ ಗುಡ್ಯಾರ್ ಅಭಿವೃದ್ದಿ ಜಾಂವ್ಚಾರ್ ಆಸಾ. ಥೈಂ ವಾರಾಡ್ಯಾತರ್ಫೆನ್ ಖುರ್ಸಾ ವಾಟ್, ತಶೆಂಚ್ ಉದ್ಕಾಚಿ ವ್ಯವಸ್ಥಾ ತುಮ್ಚಾ ಆವ್ದೆಂತ್ ಜಾಲ್ಯಾ.

    ತುಮ್ಕಾಂ ಭುರ್ಗಿಂ ಮ್ಹಳ್ಯಾರ್ ಜಾಲೆಂ, ಮನ್ಜಾತಿಂ ಥೈಂ ತಮ್ಕಾಂ ಮೋಗ್, ವಿಗಾರ್ ಆನಿಂ ಫಿರ್ಗಜ್ ಮ್ಹಳ್ಯಾರ್ ಮೈಲ್ ಪಯ್ಸ್ ಪೋಳ್ನ್ ಧಾಂವ್ಚೆ ಮನಿಸ್ ಆತಾಂ ವಿಗಾರ್ ಆನಿಂ ಇಗರ್ಜೆಕ್ ಲಾಗಿಂ ಜಾಲ್ಯಾತ್. ಫಿರ್ಗಜ್ ಸೊಡುನ್ ತುಮಿಂ ಪಯ್ಸ್ ವೆಚೆ ಆಪ್ರೂಪ್, ಭುರ್ಗ್ಯಾಂಕ್, ತರ್ನಾಟ್ಯಾಂಕ್ ತುಮಿ ಲಾಗಿ ಸರ್ಶಿಲೆಂ. ಇಗರ್ಜೆಚೆ ವಟಾರ್ ತುಮಿ ಖೆಳಾಚೆಂ ಮೈದಾನ್ ಕೆಲೆಂ, ತಮಿಂ ನಾಸ್ತಾನಾ ಇಗರ್ಜೆಚೆ ಖೆಳಾ ಮೈದಾನ್ ರಿತೆಂ. ಕ್ರಿಕೆಟ್ ತುಮಿಂ ಖೆಳ್ಚೊ ಖೆಳ್, ತ್ಯಾ ವರ್ವಿಂ ಫಿರ್ಗಜ್ ತಶೆಂ ಫಿರ್ಗಜೆಚಿ ವಟಾರ್ ಜಿವಾಳ್ ಜಾಲೆಂ.

    ಸಾಂತ್ ಮೊನಿಕಾಚಿ ಭಕ್ತ್ ಚಡಂವ್ಕ್ ಪ್ರಯತ್ನ್ ಕೆಲೆಂ. ಫಿರ್ಗಜೆಚ್ಯಾ ದಾವ್ಯಾ ಖುಶಿನ್ ಸಾಂತ್ ಮೊನಿಕಾಕ್ ಏಕ್ ಆಲ್ತಾರ್ ಭಾಂದ್ಲಿಂ. ಲೂರ್ದ್ ಮಾಯೆಚಿ ಭಕ್ತ್ ತುಮ್ಕಾಂ ಆಸ್ಲ್ಯಾನ್ ಗ್ರೊಟ್ಟ್ಯಾ ಲಾಗಿಂ ಮೀಸ್ ಭೆಟಯ್ಲೆಂ. ತಶೆಂಚ್ ಮರಿಯೆ ಮಾಯೆಚಿ ಭಕ್ತ್ ಚಡೊಂಕ್ ಇಗರ್ಜೆ ಮುಖಾರ್ ದಾರ್ವಾಟ್ಯಾಲಾಗಿಂ ಮರಿಯೆಕ್ ಆಲ್ತಾರ್ ಉಬಿಂ ಕೆಲಿಂ.

    ಫಿರ್ಗಜ್ ಫೆಸ್ತಾ ಸಂದರ್ಭಾರ್ ತುಮ್ಚಾಂ ತಾಳ್ಯಾಕ್ ಸರಿ ಜಾಲ್ಲೊ ತಾಳೊ ಮೆಳ್ಚೊನಾಂ. ತುಮಿಂ ಗಾಯ್ಲೆಲ್ಯಾ ಆನಿಂ ಶಿಕಯಿಲ್ಲ್ಯಾ ಕಾಂತಾರಾಂದ್ವಾರಿಂ ಸಾಬಾರಾಂಕ್ ಪ್ರೇರಣ್ ಆನಿಂ ಉತ್ತೇಜನ್ ಲಾಬ್ಲಾಂ.

ತುಮ್ಚಾಂ ಚಡಿತ್ ವೆಳಾನಿಂ ವಾಜಾಂತ್ರಾ ಶಿಕೊವ್ನ್ ತಾಂಕಾಂ ವಾಂಜಾಂತ್ರಾ ಆನಿಂ ತೆಂ ಉಪಯೋಗ್ ಕರುಂಕ್ ಮಾಹೆತ್ ದಿಲ್ಯಾ.

    ತುಮ್ಕಾಂ ಶೆರ್ಮಾಂವ್ ಆನಿಂ ಪ್ರಸಂಗ್ ಕರ್ಚೆ ದೆವಾನ್ ದಿಲ್ಲೆ ವಿಶೇಷ್ ದೆಣೆಂ ಜಾವ್ನ್ ಆಸ್ಲೆಂ. ತುಮಿಂ ಕಾಂತಾರಾಂ ಘಡುನ್ ತಾಳೊ ಘಾಲ್ತಾಲ್ಯಾತ್. ಸಾಬಾರ್ ಕೊವ್ಳ್ಯಾನಿಂ ತುಮ್ಚೊ ಮಧುರ್ ತಾಳೊ ದಾನ್ ದಿಲಾ ಮ್ಹಣೊನ್ ಆಯ್ಕಾತಾನಾ ಸಂತೊಸ್ ಜಾತಾ. ಆನಿಕೀ ಚಡಿತ್ ಸಾಂಗ್ಚೆಂ ತರ್ ವಾಜಾಂತ್ರಾ ತುಮ್ಚಾಂ ಬೊಟಾಚಾ ತಕ್ಲೆಂತ್ ನಾಚ್ತಾತ್. ಹಿಂ ಸಕ್ಕಡ್ ದೆಣ್ಯಾನಿಂ ವೊಮ್ತೊನ್ ತಸಲಿಂ ತಾಲೆಂತಾಂ ಕುಂಬ್ಳ್ಯಾಂತ್ ಪ್ರದರ್ಶಿತ್ ಕರುಂಕ್ ಸಾಧ್ಯ್ ಜಾಲಿಂ ಮ್ಹಣ್ತಾನಾ ಧನ್ಯಾ ದೆವಾಕ್ ಆಭಾರಿ ಜಾವ್ನಾಸಾಂವ್.

    ತುಮ್ಚೆ ಥೈಂ ಆಸ್ಲೆಲೆ ಗೂಣ್ ಸಬಾರ್, ಕಂಚೆಯಿಂ ಗದ್ದಾಲಾಯ್, ಸರ್ಬಾರಾಯ್ ತಮಿಂ ಆಶೆಂವ್ಕ್ ನಾಂತ್, ಸಾಧೆಪಣ್ ತುಮ್ಚೆಂ ಶೆಗುಣ್, ಬುದ್ವಂತ್ಕಾಯೆಂತ್ ತೀಕ್ಷ್ಣತಾ, ಚಿಂತ್ಪಾಂತ್ ಚತುರ್, ಕಾಳ್ಜಾಂತ್ ಖಾಲ್ತೆ ಭಳೆಂ ತುಮಿಂ. ಉಚಿತ್ ಶೆರ್ಮಾಂವ್, ಭುರ್ಗ್ಯಾಂಕ್ ತಶೆಂ ಪ್ರಾಯ್ವಂತಾಂಕ್ ಸರಿ ಜಾಲ್ಲಿ ಉತ್ರಾಂ, ರಾಗ್ ತಮ್ಚೆಂ ಥೈಂ ದೆಕ್ಲೆ ನಾಂ. ಪಕ್ವತಾ ಜಾಲ್ಲೆ ಭುರ್ಗ್ಯಾಚೆಂ ಮನ್ ತುಮ್ಚೆಂ.ಖೆಳೊಂಕ್ ಮುಖಾರ್, ಸಂಘಟಿತ್ ಕರ್ಚಿ ಶಾತಿ, ಹವಾಮಾನ್ ಪಾರ್ಕುನ್ ಭವಿಷ್ಯ್ ಸಾಂಗ್ಚೆಂ ದೆಣೆಂ ತುಮ್ಚೆ ಥೈಂ ಆಸಾ.

    ತುಮ್ಚಾಂ ಮುಖೆಲ್ಪಣಾರ್ ಫಿರ್ಗಜ್ ಗೊವ್ಳಿಕ್ ಪರಿಶದ್ ಬಳಾದಿಕ ಜಾಲಿಂ. ಭುರ್ಗ್ಯಾಂಕ್ ದೊತೊರ್ನ್ ಗರ್ಜೆಚಿ ಮ್ಹಣ್ ಜಾಣಾ ಜಾವುನ್ ಹರ್ಯೆಕಾ ಕ್ಲಾಸಿಕ್ ದೊತೊರ್ನ್ ಶಿಕಂವ್ಕ್ ವ್ಯವಸ್ಥಾ ಕೆಲಿಂ. ಮಲ್ಲಿಗೆ ಆನಿಂ ಮಾಡಿಯೆಚೆ ಹಿತಾಳ್ ತುಮ್ಚಾಂ ಕಾಳಾರ್ ಫಳ್ ದೀಂವ್ಕ್ ಲಾಗ್ಲೆ. ಇಗರ್ಜೆಚಾ ಭಂವ್ತಣಿಂ ದೊರೊ ಭಾಂಧುನ್ ವಠಾರ್ ಸುರಕ್ಷಿತ್ ಕೆಲೆ . ನತಾಲಾಂಚಾ ಫೆಸ್ತಾ ವೆಳಾರ್ ಗರ್ದಾನಾಚೊ ಗೊಟೊ ಕರುನ್ ತಾಕಾ ಪೈಂಟಿಂಗ್ ದೀವ್ನ್ ಸೊಭೊವ್ನ್ ಆಸ್ಲೆಲೆ ಆಮಿಂ ದೆಕ್ಲಾಂ. ಸೊಭಿತ್ ಪಿಂತುರಾಂ ಸೊಡಂವ್ಚೆಂ ಲಾನ್ಪಣಾರ್ ಆಸ್ಲೆಲೆ ದೆಣೆಂ ಜಾವ್ನಾಸಾ.