ಸಾಂ ವಿಶೆಂತ್ ಪಾವ್ಲ್ ಸಭೆ ತರ್ಫೆನ್ ಕುಂಬ್ಳಾ ಸಾಂತ್ ಮೊನಿಕಾ ಫಿರ್ಗಜೆಂತ್ ಮಾಲ್ಘಡ್ಯಾಂಚೊ
ದೀಸ್ ಆಚರಣ್
ಕುಂಬ್ಳಾ ಸಾಂ. ಮೊನಿಕಾ ವಿಶೆಂತ್ ಪೌಲ್ ಸಭೆಚಾ ಜುಬ್ಲೆವಾಚೆ ವರ್ಸಾಚೆ ಪಯ್ಲೆ ಕಾರ್ಯೆ ಜಾವ್ನ್ ಮಾಲ್ಘಡ್ಯಾಂಚೊ ದಿವಸ್ 29 ಸೆಪ್ಟೆಂಬರ್ 2024 ಆಯ್ತಾರಾ ಸಕಾಳಿಂ 11 ವರಾಚಾ ಮಿಸಾ ಸವೆ ಆರಂಭ್ ಕೆಲೆ. ಮಿಸಾಚೆ ಬಲಿದಾನ್ ದಿಯೆಸೆಜಿಚಾ ಕೌನ್ಸಿಲಿಂಗ್ ಸೆಂಟರಾಚೊ ದಿರೆಕ್ತೊರ್ ಮಾನಾದಿಕ್ ಅರುಣ್ ಲೋಬೊ ಬಾಪಾಂನಿಂ ಭೆಟಯ್ಲೆ. ಮಾಲ್ಘಡ್ಯಾಂನಿ ಆತಾಂ ಸಬಾರ್ ಸೊಡ್ ದೊಡ್ ಕರಿಜಯ್, ಎದೊಳ್ ಸೊಸ್ಣಿಕಾಯೆನ್ ಜಿಯೆಲ್ಯಾಂವ್ ಮುಖಾರ್ ತಶೆಂಚ್ ಜೀವನಾಚೆ ಪಯ್ಣ್ ಮುಂದರುನ್ ವರುಂಕ್ ಜಾಯ್ ಮ್ಹಣೊನ್ ಉಲೊ ದಿಲೊ. ಕಾಳ್ ಬದಲ್ಲಾ ತಾಕಾ ಹೊಂದ್ವೊನ್ ಜಿಯೆಜಯ್ ಮ್ಹಣೊನ್ ಸಾಂಗ್ಲೆ. ಮಿಸಾಚಾ ಅಖ್ರೆಕ್ ಸರ್ವ್ ಮಾಲ್ಘಡ್ಯಾ ಪಾಸತ್ ವಿಶೇಸ್ ಮಾಗ್ಣೆ ಕೆಲೆ ಅನಿ ತೆಲಾಯ್ಲೆ.
ಮಿಸಾ ಉಪ್ರಾಂತ್ ಲಾನ್ ಏಕ್ ಸಭಾ ಕಾರ್ಯೆ ಸಾಂ. ಮೋನಿಕಾ ಇಸ್ಕೊಲಾಚ ಮಿನಿ ಹೊಲಾಂತ್ ಮಾಂಡುನ್ ಹಾಡ್ಲೆ.
ಹ್ಯಾ ಕಾರ್ಯಾಂತ್ ಮುಖೆಲ್ ಸಯ್ರೆ ಜಾವುನ್ ದಿಯೆಸೆಜಿಚಾ ಕೌನ್ಸಿಲಿಂಗ್ ಸೆಂಟರಾಚಾ ನಿರ್ದೆಶಕ್ ಬಾಪಾಂನಿ ಮುಖೆಲ್ ಸಯ್ರೊ ಜಾವುನ್ ವೆದಿರ್ ಬಸ್ಕಾ ಘೆತ್ಲಿ. ವೆದಿ ಕಾರ್ಯಾಂತ್ ವಿಗಾರ್ ಬಾಪ್ ಮೆಲ್ವಿನ್ ಡಿಸೋಜ ಆನಿ ಸಹಾಯಕ್ ವಿಗಾರ್ ಬಾಪ್ ಸೂರಜ್ ಜೋಸೆಫ್ ಲೋಬೋ , ಸಿಸ್ಟರ್ ಆನ್ನಿ ಜೇಮ್ಸ್, ಸಿಸ್ಟರ್ ಜೆನಿವಿ ಹೋಲಿ ಫ್ಯಾಮಿಲಿ ಕಾನ್ವೆಂಟ್, ಎಸ್ ವಿ ಪಿ ಕುಂಬ್ಳಾ ಪ್ರಾದೇಶಿಕ್ ಸಮಿತಿಚೊ ಅಧ್ಯಕ್ಷ್ ಶ್ರೀ ಡೋಲ್ಫಿ ಡಿಸೋಜ, ಕುಂಬ್ಳಾ ಸಾಂ ಮೊನಿಕಾ ಫಿರ್ಗಜೆಚೊ ವೈಶಂತಿಕ್ ಅಧ್ಯಕ್ಷ್ ಶ್ರೀ ಜೋನ್ ಕ್ರಾಸ್ತ ಅನಿ ಕಾರ್ಯದರ್ಶಿ ಅನಿಲ್ ಜೋಸೆಫ್, ಕುಂಬ್ಳಾ ಫಿರ್ಗೆಜ್ ಸಭೆಚೊ ಉಪಾಧ್ಯಕ್ಷ್ ರಾಜು ಸ್ಟೀಫನ್ ಡಿಸೋಜ ಅನಿ ಕಾರ್ಯದರ್ಶಿ ಶ್ರೀಮತಿ ಲಿಡೀಯಾ ಡಿಸೋಜ, ಸರ್ವ್ ಆಯೋಗಾಂಚೊ ಅಧ್ಯಕ್ಷ್ ಬರ್ನಾರ್ಡ್ ಮೊಂತೆರೋ ಹಾಂಣಿ ವೆದಿರ್ ಬಸ್ಕಾ ಘೆತ್ಲಿ.
ಕಾರ್ಯಾಚಾ ಸುರ್ವೆರ್ ಭುರ್ಗ್ಯಾಂ ಥಾವ್ನ್ ಪ್ರಾರ್ಥನ್ ನಾಚ್ ಸಾದರ್ ಕೆಲೆ. ಉಪ್ರಾಂತ್ ಶ್ರೀ ಅನಿಲ್ ಕ್ರಾಸ್ತಾನ್ ಸಯ್ರ್ಯಾಂಕ್ ಆನಿ ಮಾಲ್ಘಡ್ಯಾಂಕ್ ಫುಲಾ ಅರ್ಪುನ್ ಸ್ವಾಗತ್ ಮಾಗ್ಲೊ. ದಿವೊ ಪೆಟವ್ನ್ ಹೆ ಕಾರ್ಯಾಚೆ ಉಗ್ತಾವಣ್ ಕೆಲೆ. ಉಪ್ರಾಂತ್ ಸಯ್ರ್ಯಾ ಪಾದ್ರಾಬಾನ್ ಮಾಲ್ಘಡ್ಯಾಂಚೊ ದಿಸಾಚಾ ಮಹತ್ವಾ ವಿಷ್ಯಾಂತ್ ವಿವರಿಲೆ. ಆಜ್ ಕಾಲ್ ಬದಲ್ಲಾ ಆದ್ಲೆಪರಿಂ ನಾಂ ಆಮಿ ಮಾಲ್ಘಡ್ಯಾಂನಿಂ ಸುದಾರ್ಸುನ್ ವೊಚೊಂಕ್ ಜಾಯ್. ಲ್ಹಾನ್ ಕುಟ್ಮಾ ಜಾಲ್ಯಾಂತ್. ಸೊಂತೊಸಾನ್ , ಮೊಗಾನ್ ಅನಿ ಶಾಂತಿನ್ ಜಿಯೆಂವ್ಕ್ ಜಾಯ್ ಮ್ಹಣೊನ್ ಉಲೊ ದಿಲೊ.65 ಮಾಲ್ಘಡ್ಯಾಂನಿ ಹ್ಯಾ ಕಾರ್ಯಾಂತ್ ಭಾಗ್ ಘೆತ್ಲೆ. ಜಾಮ್ಲೆಲ್ಯಾ ಸರ್ವ್ ಮಾಲ್ಘಡ್ಯಾಂಚಿ ಭೊಗ್ಣಾಂ ಮಾನೆಸ್ತಿನ್ ಜುಲಿಯಾನ ಸಾಲ್ದಾನ್ಹನ್ ವಾಂಟುನ್ ಘೆತ್ಲಿ.
ಸಯ್ರ್ಯಾಂ ಪಾದ್ರಾಬಾಕ್ ಉಡಾಸಾಚಿ ಕಾಣಿಕ್ ವಿಗಾರ್ ಬಾಪ್ ಮೆಲ್ವಿನ್ ಡಿಸೋಜಾನ್ ದೀವ್ನ್ ಮಾನ್ ಕೆಲೆ. ಉಪ್ರಾಂತ್ ಜಮ್ಲೆಲ್ಯಾ ಸರ್ವ್ ಮಾಲ್ಘಡ್ಯಾಂಕ್ ಉಡಾಸಾಚಿ ಕಾಣಿಕ್ ಸಯ್ರ್ಯಾ ಪದ್ರಾಬ್ ಮಾನಾದಿಕ್ ಅರುಣ್ ಲೋಬೊ ಬಾಪಾಂನಿ ದಿಲೆ. ಶ್ರೀ ಕೀರ್ತಿ ಜೋಸೆಫ್ ಡಿಸೋಜನ್ ಮಾಲ್ಘಡ್ಯಾಂಚಿ ನಾಂವಾ ವಾಚುನ್ ಸಾಂಗ್ಲಿ. ಉಪ್ರಾಂತ್ ಹೋಲಿ ಫ್ಯಾಮಿಲಿ ಕೊಂವೆಂತಾಚಿ ಸಿಸ್ಟರ್ ಜೆನಿವಿ ಆನಿ ಜೋಸೆಫ್ ಅನ್ನೆಸಿ ಕೊಂವೆಂತಾಚಿ ಸಿಸ್ಚರ್ ಆನ್ನಿ ಜೇಮ್ಸ್ ಸಿಸ್ಟರಾಕ್ ಉಡಾಸಾಚಿ ಕಾಣಿಕ್ ದಿಲಿ. ಲಕ್ಕಿ ಗೇಮಾಂತ್ ಇನಾಮಾ ಜೊಡ್ಲೆಲ್ಯಾ ಶ್ರೀ ಎಡ್ವರ್ಡ್ ಕ್ರಾಸ್ತಾ ಆನಿ ಕಾರ್ಮಿನ್ ಡಿಸೋಜ ಹಾಂಕಾ ಇನಾಮಾ ಸಹಾಯಕ್ ವಿಗಾರ್ ಸೂರಜ್ ಲೋಬೊ ಬಾಪಾಂನಿ ವಾಂಟ್ಲಿ.
ಕುಂಬ್ಳಾ ವಿಶೆಂತ್ ಸಮ್ಮೇಳನಾಕ್ ಪಾಟಿಂಬೊ ದಿವುನ್ ಸರ್ವ್ ರೀತಿನ್ ಸಹಾಕಾರ್ ಆನಿ ನಿರ್ದೇಶನ್ ದಿಲ್ಲ್ಯಾ ವಿಗಾರ್ ಬಾಪ್ ಮೆಲ್ವಿನ್ ಡಿಸೋಜ ಬಾಪಾಂನಿ ಮಿನತ್ ಕಾಡ್ಲೆಲ್ಯಾ ವೆಶಂತಿಕ್ ಸಭೆಚಾ ಸಾಂದ್ಯಾಂಕ್ ಅಭಿನಂದನ್ ಪಾಟವ್ನ್ ಉರ್ಬೆನ್ ವಾವುರ್ತೆಲ್ಯಾ ಸಾಂದ್ಯಾಂಕ್ ಪ್ರೋತ್ಸಾಹ್ ದಿಲೊ.
ಕಾರ್ಯಾಕ್ ಅಖ್ರೇಕ್ ಅತೀ ಚಡ್ ಭುರ್ಗ್ಯಾಂಚೆ ದೆಣೆ ಅಸ್ಲೆಲ್ಯಾ ಮಾಲ್ಘಡ್ಯಾಕ್ ತಶೆಂ ಅತೀ ಚಡ್ ನಾತ್ರಾಂ ಅಸ್ಲೆಲ್ಯಾ ಮಾಲ್ಘಡ್ಯಾಕ್ ವಿಂಚುನ್ ಕಾಡುನ್ ತಾಂಕಾ ಇನಾಮಾ ವಾಂಟ್ಲಿ.
ಶ್ರೀ ರೋಬರ್ಟ್ ಮೊಂತೇರೊ ವೈಶಂತಿಕ್ ಸ್ಥಾಪಕ್ ಸಾಂದ್ಯಾನ್ ಆಯ್ಲೆಲ್ಯಾ ಸಯ್ರ್ಯಾಂಕ್ ತಶೆಂ ಮಾಲ್ಘಡ್ಯಾಂಕ್ ಕಾರ್ಯೆಂ ಸುಸೂತ್ರ್ ರೀತಿನ್ ಆಯ್ತೆ ಕೆಲ್ಲ್ಯಾಂಕ್ ಧನ್ಯವಾದ್ ಪಾಟಯ್ಲೆಂ.
ಸಹಾಯಕ್ ವಿಗಾರ್ ಮಾನಾದಿಕ್ ಸೂರಜ್ ಲೋಬೊ ಬಾಪಾಂನಿ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೆ. ಜೆವ್ಣಾಸವೆ ಹೆ ಕಾರ್ಯೆ ಅಖೇರ್ ಕೆಲೆ.
